ಅಜ್ಜನ ಹಲ್ಲುಸೆಟ್ಟು

Author : ಗುಂಡುರಾವ್ ದೇಸಾಯಿ

Pages 102

₹ 100.00




Year of Publication: 2018
Published by: ಕೀರ್ತೀ ಪ್ರಕಾಶನ
Address: ಮಸ್ಕಿ, ಜಿ:ರಾಯಚೂರು
Phone: 9740346338

Synopsis

ಅಜ್ಜನ ಹಲ್ಲು ಸೆಟ್ಟು-ಗುಂಡೂರಾವ್ ಧೇಸಾಯಿ ಅವರ  ಮಕ್ಕಳ ಕವನ ಸಂಕಲನ. ಇಲ್ಲಿ ಒಟ್ಟು 45 ಕವಿತೆಗಳಿವೆ.  ಸಾಹಿತಿ ಸೂಗೂರೇಶ ಹಿರೇಮಠ  ಕೃತಿಯ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿ, ‘ಅಜ್ಜನ ಹಲ್ಲು ಸೆಟ್ಟು ಮಕ್ಕಳ‌ಸಾಹಿತ್ಯದ ಮೂಲ ಪುರುಷರೆಂದರೆ ಅಜ್ಜ ಅಜ್ಜಿ. ಮೊಬೈಲ್ ಟೀವಿಗಳಿಲ್ಲ ಕಾಲದಲ್ಲಿ ನಮ್ಮ ಅಜ್ಜ ಅಜ್ಜಿಯರು ಕತೆ ಹೇಳಿತ್ತಾ ಮಕ್ಕಳಿಗೆ ಮೌಲ್ಯಗಳನ್ನೂ ಹಾಗೂ ಮನರಂಜನೆಯನ್ನು ನೀಡುತ್ತಾ ಶಾಲೆಗಳು ಕಲಿಸದಂತಹ ಸೃಜನಾತ್ಮಕತೆಯನ್ನು ಅಜ್ಜ ಅಜ್ಜಿಯರು ಹೇಳಿಕೊಡುತ್ತಿದ್ದರು. ಹೀಗಿರುವಾಗ ಮಕ್ಕಳಿಗೆ ಅಜ್ಜನೆಂದರೆ ಹಿಗ್ಗೊಹಿಗ್ಗು ಅಂತಹ ಹಿಗ್ಗು ಕೊಡುವಂತಹ ಕೃತಿ ಅಜ್ಜನ ಹಲ್ಲು ಸೆಟ್ಟು. ಸ್ವತಃ ಶಿಕ್ಷಕರು, ಹಾಸ್ಯ ಪ್ರಬಂಧಕಾರರಾಗಿರುವ ಲೇಖಕರು ಮಕ್ಕಳಿಗಾಗಿ ಕವಿತೆಗಳನ್ನು ಅತ್ಯಂತ ಲವಲವಿಕೆಯಿಂದ ಕಟ್ಟಿಕೊಟ್ಟಿದ್ದಾರೆ. ಪ್ರತಿ ಪದ್ಯಕ್ಕೊಂದು ಅರ್ಥವತ್ತಾದ ಚಿತ್ರಗಳು ಅತ್ಯಂತ ಸೂಕ್ತವಾಗಿವೆ. ಖ್ಯಾತ ಕಲಾವಿದರಾದ ಪಿಎಬಿ ಈಶ್ವರ ಮುಖಪುಟ ಮತ್ತು ಒಳಪುಟಗಳ ಚಿತ್ರ ಬಿಡಿಸಿದ್ದಾರೆ.  ಪುಸ್ತಕದ ಮೊದಲ ಪದ್ಯವು 'ಚಂದಮಾಮ' ಮುನಿಡುವಂತಿದೆ. ಅಜ್ಜನ ಹಲ್ಲು ಸೆಟ್ಟು ಎಂಬ ಪದ್ಯದಲ್ಲಿ ಪುಟ್ಟುವಿನ ಎಡವಟ್ಟನ್ನು ಕಟ್ಟಿಕೊಡುತ್ತಾರೆ. ಸೂರ್ಯ ಎಂಬ ಪದ್ಯದಲ್ಲಿ ಸೂರ್ಯನ ಸೊಕ್ಕನ್ನು ತಣಿಸಿದ ಸಣ್ಣ ದೀಪದ ಕುರಿತು ಹೇಳುತ್ತಾರೆ  ದೇಹದ ಕುರಿತು ಜೀರ್ಣಾಂಗವ್ಯೂಹದ ಕುರಿತು ಒಂದು ಪಾಠ ಹೇಳುವಷ್ಟನ್ನು ಒಂದು ಪದ್ಯದಲ್ಲಿ ಹಿಡಿದಿಟ್ಟಿದ್ದಾರೆ. ಹೀಗೆ ಮಕ್ಕಳಿಗೆ ಮನರಂಜನೆಯ ಜೊತೆಗೆ ಜ್ಞಾನವನ್ನೂ ಒದಗಿಸುತ್ತಾರೆ. ಗುಮ್ಮ ಪದ್ಯದಲ್ಲಿ ಅಮ್ಮ ಊಟ ಮಾಡಿಸಲು ಮಾಡುವ ಪರಿಪಾಟಲನ್ನು ತಿಳಿಸುತ್ತಾರೆ. ಪದ್ಯಗಳು ಮಕ್ಕಳಿಗಾಗಿ ಬರೆದಿದ್ದರೂ ಎಲ್ಲರ ಜ್ಞಾನಕ್ಕೆ ಅನುಕೂಲವಾಗಿದೆ’ ಎಂದು ಪ್ರಶಂಸಿಸಿದ್ದಾರೆ. 

About the Author

ಗುಂಡುರಾವ್ ದೇಸಾಯಿ

ಕವಿ ಗುಂಡುರಾವ್ ದೇಸಾಯಿ ಮೂಲತಃ ರಾಯಚೂರು ಜಿಲ್ಲೆ ಮಸ್ಕಿ ಪಟ್ಟಣದವರು. ಎಂ.ಎ, ಬಿ.ಇಡಿ ಪದವೀಧರರು. ಸಾಹಿತ್ಯ ಮತ್ತು ಸಾಂಸ್ಕೃತಿಕ ಚಟುವಟಿಕೆಗಳಲ್ಲಿ ಕ್ರಿಯಾಶೀಲರು. ಕೃತಿಗಳು: ನಾನೇ ಸತ್ತಾಗ-(ಹಾಸ್ಯ ಬರಹ-2004), ಮುತ್ತಿನ ಹನಿ(ಸಂಪಾದಿತ ಕಾವ್ಯ-2009), ಸಿಟಿಯೊಳಗೊಂದು ಮನೆಯ ಮಾಡಿ-(ಲಲಿತ ಪ್ರಬಂಧ-2010), ಡಯಟಿಂಗ್ ಪುರಾಣ-(ಹಾಸ್ಯ ಬರಹ-2012), ಸಾದ್ವಿ ಶಿರೊಮಣಿ ತುರಡಗಿ ತಿಮ್ಮಮ್ಮನವರು(ಚರಿತ್ರೆ-2012), ವೆಂಕಟೇಶ ವೈಭವ (ಸಂಪಾದನೆ-2012), ಅಶೋಕ ಸಿರಿ(8ನೇ ಜಿಲ್ಲಾ ಸಾಹಿತ್ಯ ಸಮ್ಮೇಳನದ ನೆನಪಿನ ಸಂಚಿಕೆ-204), ಗಚ್ಚಿನಶ್ರೀ(ಮಸ್ಕಿ ಗಚ್ಚಿನ ಮಠದ ರುದ್ರದೇವರ ಪಟ್ಟಾಧಿಕಾರದ ನೆನಪಿನ ಸಾಹಿತ್ಯಿ ಸಂಚಿಕೆ-2016), ಸರ್ಜರಿಯ ಆ ಸುಖ-(ಲಲಿತ ಪ್ರಬಂಧ-2016), ವಚನ ಪ್ರಸೂನಮಾಲಾ -(ಸಂಪಾದನೆ- 2017), ಹಿತೋಪದೇಶ-(ಇತರರೊಂದಿಗೆ ಸಂಪಾದನೆ-2017), ಅಜ್ಜನ ಹಲ್ಲುಸೆಟ್ಟು(ಮಕ್ಕಳ ...

READ MORE

Related Books