ಕವಿ ರಾಧೇಶ ತೋಳ್ಪಾಡಿ ಅವರ ಮಕ್ಕಳ ಕವನ ಸಂಕಲನ ಕೃತಿ ʻಹಲೋ ಹಲೋ ಚಂದಮಾಮʼ. ಈ ಪುಸ್ತಕದಲ್ಲಿ ಒಟ್ಟು 32 ಕವಿತೆಗಳು, 10 ಶಿಶು ಪ್ರಾಶುಗಳಿದ್ದು, ಅವುಗಳಲ್ಲಿ ʻರಂಗನತಿಟ್ಟಿನ ಗುಬ್ಬಿ ಮತ್ತು ಆರ್ಕಟಿಕ್ ಟರ್ನ್” ಕವನವು ಪ್ರಜಾವಾಣಿ ಪತ್ರಿಕೆಯ ದೀಪಾವಳಿ ವಿಶೇಷಾಂಕದ ʻಶಿಶು ಕಾವ್ಯ ಸ್ಪರ್ಧೆʼಯಲ್ಲಿ ಪ್ರಥಮ ಬಹುಮಾನ ಪಡೆದಿದೆ. ಪುಸ್ತಕದ ಮುನ್ನುಡಿಯಲ್ಲಿ ವಿಮರ್ಶಕ ಮತ್ತು ಕವಿ ಡಾ. ಚಿಂತಾಮಣಿ ಕೊಡ್ಲೆಕೆರೆ ಅವರು ಹೀಗೆ ಬರೆದಿದ್ದಾರೆ, “ಹೊಸ ಕಾಲದ ಲಯ, ನಿರೀಕ್ಷೆಗಳು ಬೇರೆಯೇ ಇವೆ. ಇಂಗ್ಲಿಷ್, ಹಿಂದಿಯ ಹಾಡುಗಳ ಮೋಡಿಗೆ ನಮ್ಮ ಮಕ್ಕಳು ಒಳಗಾಗುವರಾದರೆ ಕನ್ನಡ ಹಾಡುಗಳು ಅವರನ್ನು ಸೆಳೆಯಬೇಕಲ್ಲವೇ? ಮಕ್ಕಳಿಗೆ ಕವಿತೆ ಓದುತ್ತಿದ್ದಂತೆ ಅದು “ಕಾಣಬೇಕು", "ಕೇಳಬೇಕು", "ಕುಣಿಯ ಬೇಕೆನ್ನಿಸಬೇಕು” -ಅರಿವೇ ಆಗದಂತೆ!” ಅಂಥ ಹಲವು ಮಕ್ಕಳ ಕವನಗಳನ್ನು ಈ ಸಂಕಲನದಲ್ಲಿ ಕೊಟ್ಟಿದ್ದಾರೆ ಕವಿ ರಾಧೇಶ ತೋಳ್ಪಾಡಿ.”
ದಕ್ಷಿಣ ಕನ್ನಡದ ಶಾಂತಿಗೋಡಿನಲ್ಲಿ 1969ರಲ್ಲಿ ಜನಿಸಿದ ರಾಧೇಶ ತೋಳ್ಪಾಡಿಯವರು ಇಂಗ್ಲಿಷಿನಲ್ಲಿ ಸ್ನಾತಕೋತ್ತರ ಪದವೀಧರರು. ಪ್ರಸ್ತುತ ಬಂಟ್ವಾಳ ತಾಲೂಕಿನ ವಾಮಪದವಿನ ಸರ್ಕಾರಿ ಪದವಿಪೂರ್ವ ಕಾಲೇಜಿನಲ್ಲಿ ಉಪನ್ಯಾಸಕರಾಗಿರುವ ಶ್ರೀಯುತರು ಮಕ್ಕಳಿಗಾಗಿ ಸೊಗಸಾದ ಕವಿತೆಗಳು ಹಾಗೂ ನಾಟಕಗಳನ್ನು ಬರೆದಿದ್ದಾರೆ. 'ಬಿಸಿಲಿನ ದೊರೆಗೆ ನೆರಳಿನ ಮನೆ', 'ಹಲೋ ಹಲೋ ಚಂದಮಾಮ, 'ತುಂಟ ಗಾಳಿ ಕೈಯಲ್' ಮತ್ತು 'ರೈಲು ರೈಲು ಅಲಸಂಡೆ' ಇವರ ಮಕ್ಕಳ ಕವಿತೆಗಳಾದರೆ 'ಲಂಕೆಯ ರಕ್ಕಸ ಪಿಳ್ಳೆಗಳು' ಮಕ್ಕಳ ನಾಟಕ. ಪ್ರಜಾವಾಣಿ ದೀಪಾವಳಿ ವಿಶೇಷಾಂಕವೂ ಸೇರಿದಂತೆ ಹಲವಾರು ರಾಜ್ಯ ಹಾಗೂ ರಾಷ್ಟ್ರಮಟ್ಟದ ಸ್ಪರ್ಧೆಗಳಲ್ಲಿ ಇವರ ಶಿಶು ಕಾವ್ಯಕ್ಕೆ ಬಹುಮಾನಗಳು ಸಂದಿರುವುದು ಇವರು ...
READ MORE
Concept & Creation 
©2024 Book Brahma Private Limited.
