ಕವಿ ಬಾಗೂರು ಮಾರ್ಕಾಂಡೇಯ ಅವರು ಮಕ್ಕಳಿಗಾಗಿ ಬರೆದ ಕವನಗಳ ಸಂಕಲನವಿದು-ಬಾರೋ ಬಾರೋ ಗಿಳಿಯೆ. ಅನೇಕ ಕವಿತೆಗಳು ಮಕ್ಕಳ ಮನಸ್ಸಿನ ಮಧುರ ಭಾವಗಳನ್ನು ಅನುರಣಿಸುವಂತಿವೆ. ಮಕ್ಕಳಿಗೆ ಚಿಟ್ಟೆಗಳೆಂದರೆ ಬಲು ಇಷ್ಟ.‘.. ಬಣ್ಣದ ಚಿಟ್ಟೆಯು ಹಾರುತ ಬಂತು ಬಣ್ಣ ಬಣ್ಣದ ಹೂವಿನ ಬಳಿಗೆ ನಾನೇ ಬೆಳೆಸಿದ ಗಿಡದೆಡೆಗೆ....’ ಎಂದು ಹಿರಿಹಿರಿ ಹಿಗ್ಗುವ ಮಕ್ಕಳ ಸಂಭ್ರಮವನ್ನು ಈ ಕವಿತೆಗಳು ಪ್ರತಿಧನಿಸುತ್ತವೆ. ಮತ್ತೊಂದು ಕವಿತೆಯಲ್ಲಿ ‘ತಪ ತಪ ನಡೆಯುವ ಬಾಲೆ ವಾಯಕ್ ವಾಯಕ್ ಏನಿದು ಘನತೆ ಬೆಳಗೂ ಬೈಗೂ ನೀರಲಿ ಮುಳುಗು ಗುಳುಗುಳು ಗುಳ್ಳೆಯ ಆಟ ಆ ಕೆಸರಲಿ ಏನಿದೆ ಊಟ....’ ಎನ್ನುವ ಕುತೂಹಲವೂ ಇಲ್ಲಿ ಅಡಗಿದೆ. ಇಂಥ ಅನೇಕ ಕವಿತೆಗಳು ಮಕ್ಕಳನ್ನು ರಂಜಿಸುತ್ತವೆ, ಅವರ ಕುತೂಹಲವನ್ನು ಕೆರಳಿಸುತ್ತವೆ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2024 Book Brahma Private Limited.
