ಅಮ್ಮನ ಪ್ರೀತಿ-ಕವಿ ಬಾಗೂರು ಮಾರ್ಕಾಂಡೇಯ ಅವರು ಮಕ್ಕಳಿಗಾಗಿ ಬರೆದ ಕವನಗಳ ಸಂಕಲನವಿದು. ಕವಿಯ ಬಾಲ್ಯದ ನೆನಪನ್ನು ಹಚ್ಚ ಹಸಿರಾಗಿಸಿರುವ ಕವಿತೆಗಳಿವೆ. ‘.. ಮೋಡವೆ ಮೋಡವೆ ಓಡುವೆ ಏತಕೆ ಕಾಣಿಸದೇನೆ ನನ್ನೂರು ಒಲುಮೆಯಲೊಮ್ಮೆ ನಗೆ ಮಳೆ ಸುರಿಸು ಹಸಿರಾಗಲಿ ಹೊಸ ನನ್ನೂರು...’ ಎಂದು ಕರೆಯುವ ಮುಗ್ದತೆ ಕವಿತಗಳಲ್ಲಿವೆ. ಮತ್ತೊಂದೆಡೆ ‘...ಓಹೋ ಸೈನಿಕ ಇರುವೆ ಸಾಲು ಮುನ್ನಡೆದಂತಿದೆ ಚುಕುಬುಕು ರೈಲು..’ ಎಂದು ಮಕ್ಕಳ ಆಟಗಳನ್ನು ಕಂಡು ಆನಂದಿಸುವ ಕವಿತೆಯೂ ಇದೆ. ಹೀಗೆ ಮಕ್ಯುಕಳೀಗೆ ಮುದ ನೀಡುವ ಕವಿತೆಗಳ ಸಂಗ್ರಹವಿದು.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2025 Book Brahma Private Limited.
