ಗೀಜಗನ ಗೂಡು ಹಳದಿಯ ಬಣ್ಣದ ಗುಬ್ಬಿಯ ತೆರದಲಿ ಕಾಣುವ ಹಕ್ಕಿಯು ಗೀಜಗವು ಗೀಜಗ ಹಕ್ಕಿಯು ಗೂಡನು ಕಟ್ಟುವ ರೀತಿಯು ಜಗದಲಿ ಸೋಜಿಗವು ಗಂಡು ಗೀಜಗವು ತೆಂಗಿನ ನಾರಿನ ತೆರದಲಿ ಹುಲ್ಲನು ಸೀಳುವುದು ನಾರಿನ ಎಳೆಗಳ ಬಳೆಗಳ ತೆರದಲಿ ರೆಂಬೆಯ ಸುತ್ತಲೂ ಸುತ್ತುವುದು ಸೂಜಿಗೆ ದಾರವ ಪೋಣಿಸಿದಂತೆಯೆ ಪೋಣಿಸಿ ಗಂಟನು ಹಾಕುವುದು ಚಾಪೆಯ ತೆರದಲಿ ಮೇಲ್ಚಾವಣಿಯನು ಹೆಣೆಯುತ ಮೆಲ್ಲಗೆ ಬಿಗಿಯುವುದು ಗೂಡಿನ ಒಳಗಡೆ ಎರಡು ಕೋಣೆಯನು ಮಾಡುತ ಗೋಡೆಯ ಕಟ್ಟುವುದು ಎರಡೂ ಕೋಣೆಗೆ ಕೊಳವೆಯ ತೆರದಲಿ ರಡು ಬಾಗಿಲನಿಕ್ಕುವುದು ಒಂದು ಕೋಣೆಯಲಿ ಮೊಟ್ಟೆಯನಿಕ್ಕಲು ಹುಲ್ಲಿನ ಹಾಸಿಗೆ ಹರಡುವುದು ಹಕ್ಕಿಯ ಪುಕ್ಕವ ಆರಿಸಿ ತರುತಲಿ ಮೆತ್ತೆಯನ್ನು ಸರಿಪಡಿಸುವುದು ಕೋಣೆಯ ಒಳಗಡೆ ಕತ್ತಲು ಕಳೆಯಲು ಮಿಂಚುಹುಳವ ತಂದಿಕ್ಕುವುದು ಎಲ್ಲ ವ್ಯವಸ್ಥೆಯ ಮಾಡಿದ ನಂತರ ಸಂತಸ ಮನದಲಿ ಉಕ್ಕುವುದು ಈ ಪರಿಯಲ್ಲಿ ಗಂಡು ಗೀಜಗವು ಸುಂದರ ಗೂಡನು ಕಟ್ಟುವುದು ಗೂಡಿನ ಸೊಬಗನು ನೋಡಿದ ನಂತರ ಹೆಣ್ಣು ಗೀಜಗವು ಮೆಚ್ಚುವುದು ಗೀಜಗ ಹಕ್ಕಿಯು ಗೂಡನು ಕಟ್ಟುವ ಕಲೆಯಲಿ ತಾನೇ ಮೊದಲುಂಟು ಇಂತಹ ಕಲೆಯನು ತಿಳಿದಿರುವಂತಹ ಮಾನವ ಜಗದಲಿ ಯಾರುಂಟು?
ಮಕ್ಕಳ ಸಾಹಿತಿ ಎಂದು ಹೆಸರಾಗಿರುವ ಡಾ.ಸಿ.ಎಂ.ಗೋವಿಂದರೆಡ್ಡಿಯವರು ಮಕ್ಕಳ ಸಾಹಿತ್ಯದ ಜೊತೆಗೆ ಇತರೆ ಸಾಹಿತ್ಯದಲ್ಲೂ ಕೃತಿಗಳನ್ನು ರಚಿಸಿದ್ದಾರೆ. ಇವರು ೧೯೫೮ರ ಆಗಸ್ಟ್ ೧೧ರಂದು ಕೋಲಾರ ಜಿಲ್ಲೆ ಮಾಲೂರು ತಾಲ್ಲೂಕಿನ ಚನ್ನಿಗರಾಯಪರ ಗ್ರಾಮದ ಮುನಿಸ್ವಾಮಿರೆಡ್ಡಿ ಮತ್ತು ಸುಬ್ಬಮ್ಮ ದಂಪತಿಗಳ ಮಗನಾಗಿ ಜನಿಸಿದರು. ತಾಳಕುಂಟೆ, ಲಕ್ಕೂರು ಮತ್ತು ಮಾಲೂರಿನಲ್ಲಿ ಕ್ರಮವಾಗಿ ಪ್ರಾಥಮಿಕ, ಮಾಧ್ಯಮಿಕ ಮತ್ತು ಪ್ರೌಢಶಿಕ್ಷಣವನ್ನು ಪಡೆದು, ಮೈಸೂರು ವಿಶ್ವವಿದ್ಯಾಲಯದಿಂದ ಪದವಿ ಮತ್ತು ಸ್ನಾತಕೋತ್ತರ ಪದವಿಗಳನ್ನು ಪಡೆದುಕೊಂಡದ್ದಲ್ಲದೆ ‘ಕೋಲಾರಜಿಲ್ಲೆಯ ಜಾತ್ರೆಗಳು’ ಎಂಬ ವಿಷಯದಲ್ಲಿ ಪಿಎಚ್.ಡಿ. ಮಹಾಪ್ರಬಂಧವನ್ನು ರಚಿಸಿ ಡಾಕ್ಟರೇಟ್ ಪದವಿಯನ್ನೂ ಪಡೆದರು. ಇವರು ಸಾರ್ವಜನಿಕ ಶಿಕ್ಷಣ ಇಲಾಖೆಯಲ್ಲಿ ಪ್ರಾಥಮಿಕ ಶಾಲಾಶಿಕ್ಷಕರಾಗಿ, ಪ್ರೌಢಶಾಲಾ ...
READ MORE
Concept & Creation 
©2024 Book Brahma Private Limited.
