ಲೇಖಕ ಟಿ.ಪಿ. ಉಮೇಶ್ ಅವರು ಮಕ್ಕಳಿಗಾಗಿ ಬರೆದ ಕವಿತೆಗಳ ಸಂಕಲನ-ಅಪ್ಪ ಕೊಡಿಸಿದ ಮೊದಲ ಪುಸ್ತಕ. 36 ಕವಿತೆಗಳಿವೆ. ಕವಿತೆಯ ಭಾವಕ್ಕೆ ತಕ್ಕಂತೆ ಚಿತ್ರಗಳಿದ್ದು, ಹೆಚ್ಚು ಮೆರುಗು ನೀಡಿವೆ. ಕವಿಗಳು ಬರೆದ ಒಟ್ಟು 5 ಕೃತಿಗಳ ಪೈಕಿ ಮಕ್ಕಳಿಗಾಗಿ ಬರೆದವುಗಳು ಎರಡು. ಸಾಹಿತಿ ಆನಂದ ಪಾಟೀಲ ಅವರು ಕೃತಿಗೆ ಬರೆದ ಬೆನ್ನುಡಿಯಲ್ಲಿ ‘ಕವಿಗಳು ತಮ್ಮ ಮುಂದೆ ದಿನದಿನವೂ ಕಾಣುವ ಪುಟ್ಟಮಕ್ಕಳಿಗಾಗಿ ಬಗೆಬಗೆಯ ವಸ್ತು ವೈವಿಧ್ಯತೆಯ ರಚನೆಗಳನ್ನು ನೀಡಲು ಬಯಸಿದ್ದಾರೆ. ಬಾಲ್ಯದ ನವಿರು ಅನುಭವಗಳು, ಕಲಿತ ವಾತಾವರಣದ ಗಾಢ ನೆನಪುಗಳು, ಸಂಬಂಧಗಳ ಅನುಬಂಧದ ಮಹತ್ವಗಳು, ನೆರೆ ಹೊರೆಯ ಕೆಳೆಯರೊಡನಾಡಿದ ಆಟ ತುಂಟಾಟಗಳು, ಭವಿಷ್ಯದ ಕನಸುಗಳು...ಎಲ್ಲ ಇಲ್ಲಿ ಚಂದ ಪ್ರಾಸಗಳಲಿ ಆಹ್ಲಾದಕರ ಪದ್ಯಗಳಲಿ ಚಿತ್ರವತ್ತಾಗಿ ಮಕ್ಕಳನ್ನು ಮುದಗೊಳಿಸುತ್ತವೆ.’ ಎಂದು ಪ್ರಶಂಸಿಸಿದ್ದಾರೆ.
ಲೇಖಕ ಟಿ.ಪಿ. ಉಮೇಶ ಅವರು ಚಿತ್ರದುರ್ಗ ಜಿಲ್ಲೆಯ ಹೊಳಲ್ಕೆರೆ ತಾಲೂಕಿನ ತೊಡರನಾಳು ಟಿ. ನುಲೇನೂರು ಗ್ರಾಮದವರು. ಅಲ್ಲಿಯೇ ಹೈಸ್ಕೂಲ್ ವಿದ್ಯಾಭ್ಯಾಸ ಪೂರ್ಣಗೊಳಿಸಿ ನಂತರ ಕುವೆಂಪು ವಿ.ವಿ. ಯಿಂದ ಇಂಗ್ಲಿಷ್ ಹಾಗೂ ರಾಜ್ಯಶಾಸ್ತ್ರದಲ್ಲಿ ಪ್ರತ್ಯೇಕವಾಗಿ ಸ್ನಾತಕೋತ್ತರ ಪದವಿ ಮತ್ತು ಮೈಸೂರಿನ ಮಾನಸಗಂಗೋತ್ರಿಯ ಮುಕ್ತ ವಿ.ವಿ.ಯಿಂದ ಕನ್ನಡ ಹಾಗೂ ಶಿಕ್ಷಣ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಸದ್ಯ, ಹೊಳಲ್ಕೆರೆ ಯಲ್ಲಿ ವಾಸವಿದ್ದು, ಹೊಳಲ್ಕೆರೆಯ ಅಮೃತಪುರದ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಸಹಾಯಕ ಶಿಕ್ಷಕರಾಗಿದ್ದಾರೆ. ಕೃತಿಗಳು: ನನ್ನ ಸೈಕಲ್ ಟ್ರಿಣ್ ಟ್ರಿಣ್ ಟ್ರಿಣ್ (ಮಕ್ಕಳ ಹಾಡುಗಳು), ವಚನಾಂಜಲಿ, ಫೋಟೋಕ್ಕೊಂದು ಫ್ರೇಮು (ಕವನ ಸಂಕಲನ) ಪ್ರಶಸ್ತಿ ಪುರಸ್ಕಾರಗಳು: ತಾಲೂಕು ಅತ್ಯುತ್ತಮ ...
READ MORE
Concept & Creation 
©2024 Book Brahma Private Limited.
