ವ್ಯಂಗ್ಯಚಿತ್ರಕಾರ, ಲೇಖಕ ಈರಣ್ಣ ಬೆಂಗಾಲಿ ಅವರ ಮಕ್ಕಳ ಕವಿತೆಗಳ ಸಂಕಲನ ಕೃತಿ ʻಪಟ ಪಟ ಗಾಳಿಪಟʼ. ಪ್ರಸ್ತುತ ಪುಸ್ತಕ ಐವತ್ತು ಕವನಗಳನ್ನು ಹೊಂದಿದೆ. ಕವಿತೆಗಳ ಜೊತೆಗೆ ಮಕ್ಕಳ ಗಮನ ಹಿಡಿದಿಟ್ಟುಕೊಳ್ಳಲು ಆಕರ್ಷಕವಾದ ರೇಖಾಚಿತ್ರಗಳನ್ನು ವ್ಯಂಗ್ಯಚಿತ್ರ ಕಲಾವಿದ ಅರುಣ್ ಹಾಗೂ ಈರಣ್ಣ ಅವರು ರಚಿಸಿದ್ದಾರೆ. ಈಗಾಗಲೇ ಹೈಕು, ಗಜಲ್‌, ಹನಿಗವನ, ಜೀವನಚರಿತ್ರೆ ಮುಂತಾದ ಪ್ರಕಾರಗಳಲ್ಲಿ ಕೃತಿಗಳನ್ನು ರಚಿಸಿರುವ ಲೇಖಕರು ಈ ಕೃತಿಯ ಮೂಲಕ ಮಕ್ಕಳ ಮನಸ್ಸನ್ನು ಅರಿತು ಅವರಿಗೆ ಮನರಂಜನೆಯ ಮೂಲಕ ಅರಿವು ಮೂಡಿಸುವ ಪ್ರಯತ್ನವನ್ನು ಮಾಡಿದ್ದಾರೆ.
ವ್ಯಂಗ್ಯಚಿತ್ರಕಾರ, ಬರಹಗಾರ ಈರಣ್ಣ ಬೆಂಗಾಲಿ ಅವರು ಜನಿಸಿದ್ದು 1984 ಜೂನ್ 21ರಂದು. ವ್ಯಂಗ್ಯಚಿತ್ರ ಬರಹ ಹಾಗೂ ಸಾಹಿತ್ಯದಲ್ಲಿ ತೊಡಗಿಸಿಕೊಂಡಿರುವ ಇವರು ರಾಯಚೂರಿನಲ್ಲಿ ನೆಲೆಸಿದ್ದಾರೆ. ಏಕಲವ್ಯನ ರೇಖೆಗಳು (ವ್ಯಂಗ್ಯಚಿತ್ರ ಸಂಕಲನ), ಮುತ್ತುಗಳು (ಹನಿಗವನ ಸಂಕಲನ), ಕಮರಿದ ಕನಸು (ಹೈಕು ಸಂಕಲನ), ಚಿನ್ನದ ನಾಣ್ಯ (ಸಂಪಾದನೆ), ಬಿಸಿಲೂರ ಸಾಧಕರು, ಹಸಿರ ಯೋಗಿ ಮುಂತಾದವು ಇವರ ಪ್ರಮುಖ ಕೃತಿಗಳು. ರಾಯಚೂರು ವಾಹಿನಿ ಮತ್ತು ನಮ್ಮ ರಾಯಚೂರು ವಾರಪತ್ರಿಕೆಗಳ ದೀಪಾವಳಿ ವಿಶೇಷಾಂಕದ ಸಂಪಾದಕರಾಗಿ ಸೇವೆ ಸಲ್ಲಿಸಿದ್ದಾರೆ. ಇವರಿಗೆ ದಾವಣಗೆರೆ ಚುಟುಕು ಸಾಹಿತ್ಯ ಪರಿಷತ್ತಿನಿಂದ ಪ್ರತಿಭಾ ಶಿರೋಮಣಿ ಬಿರುದು ಇವರಿಗೆ ಸಂದಿದೆ. ...
READ MORE
Concept & Creation 
©2023 Book Brahma Private Limited.
