ಲೇಖಕಿ ವೀಣಾ ಬನ್ನಂಜೆ ಅವರ ’ ನನ್ನ ಜೀವ ನನ್ನ ಅಪ್ಪ’ ಕೃತಿಯು ನೆನಪಿನ ಬುತ್ತಿಯ ಬರವಣಿಗೆಯಾಗಿದೆ. ಕೃತಿಗೆ ಬೆನ್ನುಡಿ ಬರೆದಿರುವ ಡಾ. ಮಲ್ಲೇಪುರಂ ಜಿ. ವೆಂಕಟೇಶ ಅವರು, ‘ವೀಣಾ ಬನ್ನಂಜೆ ಎಂಬ ಮಾತೃಶಕ್ತಿಯ ಅಂತಃಕರಣವು ಈ ಪುಸ್ತಕದ ಕೇಂದ್ರ ನೆಲೆಯಾಗಿದ್ದು, ’ಬನ್ನಂಜೆ’ ಎಂಬ ಮಹಾಮನೀಷಿಯ ಮಗಳಾಗಿ ಕಂಡುಂಡ ನೆನಪುಗಳ ರಸಪಾಕವೇ ನನ್ನ ಜೀವ ನನ್ನ ಅಪ್ಪ. ತಮಗೆ ಕಂಡ ಸತ್ಯದ ಕನ್ನಡಿಯನ್ನು ಪರಿಶುಭ್ರವಾಗಿ ನಮಗೆ ಇಲ್ಲಿ ಕಾಣಿಸುತ್ತಾರೆ. ಬನ್ನಂಜೆ ಉತ್ಪ್ರೇಕ್ಷೆಗೆ ಸಿಗುವವರಲ್ಲ; ಸ್ವಬಾವೋಕ್ತಿಗೆ ಮಾತ್ರ ಕಾಣಿಸುವವರು. ಅವರ ವ್ಯಕ್ತಿತ್ವ ಎಲ್ಲರನ್ನೂ ಸೆಳೆಯುತ್ತದೆ. ಅಲ್ಲಿ ಸಂನ್ಯಾಸಿಗಳೂ, ವಿದಗ್ಧರೂ, ಕಿರಿಯರು ಹಿರಿಯರೂ ಎಲ್ಲರೂ ಇದ್ದಾರೆ. ವೀಣಾ ಇಲ್ಲಿ ಅಪ್ಪನ ಜೀವಕಾರುಣ್ಯವನ್ನು ಓದುಗರಿಗೆ ತೋರಿಸಿದ್ದು, ಈ ಕೃತಿಯು ಪುಟ್ಟ ಕನ್ನಡಿಯಾಗಿ ಸತ್ಯದ ತೋರ್ಪಡಿಕೆಯನ್ನು ವಿವರಿಸುತ್ತದೆ’ ಎಂದು ಪ್ರಶಂಸಿಸಿದ್ದಾರೆ.
ವೀಣಾ ಬನ್ನಂಜೆ ಅವರು ಮೂಲತಃ ಉಡುಪಿ ಜಿಲ್ಲೆಯವರು. ಇವರ ತಂದೆ ವಿದ್ವಾಂಸರಾದ ಬನ್ನಂಜೆ ಗೋವಿಂದಾಚಾರ್ಯರು. ಎಚ್ಚರದ ಕನಸು (ಕಥಾ ಸಂಕಲನ), ಅಕ್ಕಮಹಾದೇವಿಯ ದೈ (ವೈಚಾರಿಕ) ಸಂತೆಯಲ್ಲೊಂದು ಮನೆ ೨೦೧೧ (ಅಂಕಣ ಬರಹ ಕೃತಿಗಳನ್ನು ವೀಣಾ ಬನ್ನಂಜೆ ಪ್ರಕಟಿಸಿದ್ದಾರೆ. ಕರ್ನಾಟಕ ಲೇಖಕಿಯರ ಸಂಘದ ಗೀತಾ ದೇಸಾಯಿ ದತ್ತಿನಿಧಿ ಪುರಸ್ಕಾರ, ಕನ್ನಡ ಸಾಹಿತ್ಯ ಪರಿಷತ್ತಿನ ದತ್ತಿನಿಧಿ ಬಹುಮಾನ, ಕಾವ್ಯಾನಂದ ಪುರಸ್ಕಾರಗಳು ಇವರಿಗೆ ಸಂದಿದೆ. ...
READ MORE
Concept & Creation 
©2024 Book Brahma Private Limited.
.jpg)
