’ದನೀನ ಆಸ್ಪತ್ರೆ’ ಕೃತಿ ಸಹಜೀವಿಗಳ ಜೊತೆ ಮನುಷ್ಯನ ನಡವಳಿಕೆ ಯಾವ ರೀತಿ ಇರಬೇಕೆಂದು ಹೇಳುತ್ತದೆ. ಪ್ರಾಣಿಗಳನ್ನು ಕೇವಲ ದುಡಿಮೆಯ ಯಂತ್ರಗಳಂತೆ ಬಳಸಿಕೊಳ್ಳಬಾರದು. ಪಶುವೈದ್ಯರ ಬಗ್ಗೆ ಸಮಾಜಲ್ಲಿರುವ ಕೀಳು ಭಾವನೆಯನ್ನು ಲೇಖಕರು ಕೃತಿಯಲ್ಲಿ ಪ್ರಶ್ನಿಸಿದ್ದಾರೆ.
ಭೂಮಿಯ ಮೇಲೆ ಬದುಕಿನ ಭಾಗಗಳಂತೆ ತಾವು ಪಳಗಿಸಿಕೊಂಡು ತಮ್ಮ ಸಹಜೀವಿಗಳಾಗಿಸಿರುವ ದನ, ಕುರಿ, ಬೆಕ್ಕು, ನಾಯಿ ಇತ್ಯಾದಿ ಜೀವಜಂಗಮ ಪಡೆಯ ಜೊತೆ ಕುಟುಂಬದ ಪ್ರಜ್ಞೆಯಲ್ಲಿ ಜನರು ಬಾಳು ಕಟ್ಟಿಕೊಂಡಿದ್ದಾರೆ.ಇಂಥ ಜೀವಪಡೆಗಳ, ಅಂದರೆ ಸಾಕುಪ್ರಾಣಿಗಳ ಅನಾರೋಗ್ಯದ ಕಾಳಜಿ ವಹಿಸುವ ವೈದ್ಯರ ಬಗ್ಗೆ ದೊಡ್ಡ ನಿಲುವೇ ಇದೆ. ಪಶುವೈದ್ಯರ ಸೇವೆಯೆನ್ನುವುದು ಅಮೂಲ್ಯವಾದದ್ದು,ವೃತ್ತಿಯಿಂದ ಸ್ಪತಃ ಪಶುವೈದ್ಯರಾಗಿರುವ ಲೇಖಕರು ತಮ್ಮ ವೃತ್ತಿಯಲ್ಲಿನ ಅನುಭವವನ್ನು ಪುಸ್ತಕದಲ್ಲಿ ದಾಖಲಿಸಿದ್ದಾರೆ.
ವೃತ್ತಿಯಿಂದ ಪಶುವೈದ್ಯರಾದ ಡಾ. ಟಿ.ಎಸ್. ರಮಾನಂದ ಅವರು ಪ್ರವೃತ್ತಿಯಿಂದ ಲೇಖಕರು. ತಮ್ಮ ವೈದ್ಯಕೀಯ ಅನುಭವವನ್ನು ಸೊಗಸಾದ ರೀತಿಯಲ್ಲಿ ಅಕ್ಷರಕ್ಕೆ ಇಳಿಸಿದ್ದಾರೆ. ಮೂಲತಃ ಚಿತ್ರದುರ್ಗ ಜಿಲ್ಲೆಯ ಹೊಳಲ್ಕೆರೆ ತಾಲ್ಲೂಕಿನ ತಾಳ್ಯ ಗ್ರಾಮದವರು. 1974 ರಿಂದ ಕರ್ನಾಟಕ ಸರ್ಕಾರದ ಪಶು ಪಾಲನಾ ಮತ್ತು ಪಶುವೈದ್ಯ ಸೇವಾ ಇಲಾಖೆಯ ವಿವಿಧ ಹುದ್ದೆಗಳಲ್ಲಿ ಸೇವೆ ಸಲ್ಲಿಸಿ 2006 ರಲ್ಲಿ ನಿವೃತ್ತರಾದರು. ಸದ್ಯ ಶಿವಮೊಗ್ಗ ನಿವಾಸಿ. 'ವೈದ್ಯರ ಶಿಕಾರಿ', 'ದಿಟನಾಗರ ಕಂಡರೆ' ಮತ್ತು 'ವೃತ್ತಿ ಪರಿಧಿ' ಇವು ಮೂರು ಪ್ರಕಟಿತ ಕೃತಿಗಳು. ವೃತ್ತಿಯ ಅನುಭವವನ್ನು ತಮ್ಮ ಆಕರ್ಷಕ ಶೈಲಿ ಬರವಣಿಗೆಯ ಮೂಲಕ ಕೃತಿಗಳಾಗಿಸಿದ್ದಾರೆ. ಪಶುವೈದ್ಯರ ವಿಶಿಷ್ಟ ಹಾಗೂ ವಿಶೇಷ ಜೀವನಾನುಭವಗಳನ್ನು ಸಮಾಜಕ್ಕೆ ತಲುಪಿಸಿದ್ದಾರೆ. ...
READ MORE
Concept & Creation 
©2024 Book Brahma Private Limited.
.jpg)
