ಇದು ಕನ್ನಡದ ಕಡಲತೀರದಿಂದ ಇಂಗ್ಲೆಂಡಿನ ಕಡಲತೀರಕ್ಕೆ ವೃತ್ತಿನಿಮಿತ್ತ ಚಲಿಸಿರುವ ಯೋಗೀಂದ್ರ ಮರವಂತೆ ಅವರ ಲೇಖನಗಳ ಸಂಗ್ರಹ. ಕನ್ನಡ ಸಾಹಿತ್ಯ ಲೋಕಕ್ಕೆ ಒಬ್ಬ ಸಮರ್ಥ ಯುವಲೇಖಕನ ಆಗಮನವನ್ನು ಈ ಪುಸ್ತಕ ಸಾರಿದೆ. ಇದಕ್ಕೆ ಈ ಲೇಖಕನಿಗಿರುವ ವಿಶಿಷ್ಟವಾದ 'ಕಾಣುವ ಕಣ್ಣು', ಇಲ್ಲಿನ ನೆನವರಿಕೆ- ಕನವರಿಕೆಗಳು ಕೇವಲ ಹಳವಂಡವಲ್ಲ. ನಗೆ-ಕುಶಾಲು-ತಮಾಷೆ ಗುಚ್ಛದೊಂದಿಗೆ ತಿಳಿ ವ್ಯಂಗ್ಯ, ನವಿರು ಸೂಜಿಸೂಕ್ಷ್ಮತೆ, ಸಮಗ್ರತೆ, ಗಂಭೀರ ಚಿಂತನೆಯ ಇಲ್ಲಿನ ಲೇಖನಗಳು ಇಂಥ ಪ್ರಕಾರಕ್ಕೆ ಒಂದು ಹೊಸ ಕಾಂತಿ ನೀಡಿವೆ ಎನ್ನುತ್ತಾರೆ ಹಿರಿಯ ಲೇಖಕಿ ವೈದೇಹಿ. ಓದುತ್ತಿದ್ದಂತೆ ಈತ ಬೆಳೆದ ವಾತಾವರಣ ಮತ್ತು ಬೆಳೆಸಿದ ಹಿರಿಯರ ಮೇಲೆ ಎಲ್ಲಿ ಯಾರು ಇತ್ಯಾದಿ ತಿಳಿಯದೆಯೂ ಹಿನ್ನೆಲೆಯಲ್ಲಿ ಮನಸ್ಸಿಗೆ ತಾಕುತ್ತಿರುತ್ತದೆ. ಬೇರೆಯೇ ಸಂಸ್ಕೃತಿಯ ನೆಲದಲ್ಲಿ ನಡೆವ ಲೇಖಕರ ಅಂತರಂಗದ ಸಂವಾದದ ಭಾಷೆಯ ಸೊಬಗಂತೂ ಮನ ಸೆರೆಹಿಡಿಯುವಂತಿದೆ. ಈ ಕೃತಿಗೆ ಕ.ಸಾ.ಪ ಕೊಡಮಾಡುವ 2019ನೇ ಸಾಲಿನ ರತ್ನಾಕರ ವರ್ಣಿ-ಮುದ್ದಣ-ಅನಾಮಿಕ ದತ್ತಿ (ಗದ್ಯ) ಪ್ರಶಸ್ತಿ ದೊರೆತಿದೆ.
ಲೇಖಕ, ಅಂಕಣಕಾರ ಯೋಗೀಂದ್ರ ಮರವಂತೆ ಅವರು ಪಶ್ಚಿಮ ಕರಾವಳಿಯಲ್ಲಿರುವ ಉಡುಪಿ ಜಿಲ್ಲೆಯ ಬೈಂದೂರು ತಾಲೂಕಿನ ಮರವಂತೆ ಗ್ರಾಮದವರು. ಇಂಗ್ಲೆಂಡ್ ನ ಬ್ರಿಸ್ಟಲ್ ನಗರದ "ಏರ್ ಬಸ್" ಕಂಪನಿಯಲ್ಲಿ ವಿಮಾನಶಾಸ್ತ್ರ ತಂತ್ರಜ್ಞರಾಗಿರುವ ಅವರು ಬ್ರಿಟನ್ನಿನ ಜೀವನಾನುಭವಗಳನ್ನು ಅಂಕಣಗಳಾಗಿ ಪ್ರಬಂಧಗಳಾಗಿ ಕನ್ನಡದ ಪತ್ರಿಕೆಗಳಲ್ಲಿ ಹಂಚಿಕೊಂಡಿದ್ದಾರೆ. ಸುಧಾ ವಾರಪತ್ರಿಕೆಯ 2019 ಹಾಗು 2021ರ ಯುಗಾದಿ ಸ್ಪರ್ಧೆಗಳಲ್ಲಿ ಇವರ ಪ್ರಬಂಧಗಳು ಬಹುಮಾನ ಪಡೆದಿವೆ. ವಿಮಾನ ಲೋಕದ ಅಚ್ಚರಿ ಅನುಭವಗಳ ಸರಣಿ "ಏರೋ ಪುರಾಣ" ನಿಯಮಿತವಾಗಿ "ಬುಕ್ ಬ್ರಹ್ಮ" ತಾಣದಲ್ಲಿ ಪ್ರಕಟಗೊಳ್ಳುತ್ತಿದೆ. "ಲಂಡನ್ ಡೈರಿ - ಅನಿವಾಸಿಯ ಪುಟಗಳು" ಮೊದಲ ಸಂಕಲನ, ಕನ್ನಡ ಸಾಹಿತ್ಯ ಪರಿಷತ್ ಇಂದ ...
READ MORE
Concept & Creation 
©2024 Book Brahma Private Limited.
.jpg)
