‘ಢಮಾರ್ ಎನ್ನುವ ಪತ್ರಿಕೆ’: ಮತ್ತಿತರ ಅತಿಸಣ್ಣ ಕತೆಗಳು ಹಿರಿಯ ಲೇಖಕ ಎಸ್. ದಿವಾಕರ್ ಅವರು ಅನುವಾದಿಸಿರುವ ಸಣ್ಣಕತೆಗಳ ಸಂಕಲನ. ಪುಸ್ತಕದ ಕುರಿತು ಬರೆಯುತ್ತಾ ಇದು ನಾನು ಅನುವಾದಿಸಿರುವ ನಾಲ್ಕನೆಯ ಅತಿಸಣ್ಣ ಕತೆಗಳ ಸಂಕಲನ. ಇಲ್ಲಿ ಹಲವು ದೇಶಗಳ ಅತಿಸಣ್ಣ ಕತೆಗಳಿವೆ. ಮಾಸ್ತಿಯವರು ಲಂಡನ್ನಿನ ಸ್ಟ್ರ್ಯಾಂಡ್ ಪತ್ರಿಕೆಯಲ್ಲಿ ಬರುತ್ತಿದ್ದ ಕತೆಗಳನ್ನ ಓದಿ ತಮಗೂ ಕತೆ ಬರೆಯಬೇಕೆನ್ನಿಸಿತೆಂದು ಒಮ್ಮೆ ಹೇಳಿದ್ದುಂಟು. ನಾನು ನನಗೆ ಇಷ್ಟವಾದ ಜಗತ್ತಿನ ಬೇರೆ ಬೇರೆ ದೇಶಗಳ ಅತಿಸಣ್ಣ ಕತೆಗಳನ್ನು ಸತತವಾಗಿ ಅನುವಾದಿಸುತ್ತಿರುವುದಕ್ಕೆ ಕಾರಣ ನಮ್ಮ ಕಾಲದ ಕತೆಗಾರರು ಅವುಗಳನ್ನು ಓದಿ ತಾವೂ ಅತ್ಯುತ್ತಮ ಅತಿಸಣ್ಣ ಕತೆಗಳನ್ನು ಬರೆಯುವಂತಾಗಲಿ, ಅದರಿಂದ ನಮ್ಮಲ್ಲೂ ಈ ಪ್ರಕಾರದ ಒಂದು ಪರಂಪರೆ ಸೃಷ್ಟಿಯಾಗಲಿ ಎಂಬ ಸದಾಶಯವಷ್ಟೇ, ಅತಿಸಣ್ಣ ಕತೆಯ ಸ್ವರೂಪವನ್ನು ತಿಳಿಯಬಯಸುವವರು ನಾನು ಸಂಪಾದಿಸಿರುವ ಕನ್ನಡ ಅತಿಸಣ್ಣ ಕತೆಗಳು ಸಂಕಲನದ ಪ್ರಸ್ತಾವನೆಯನ್ನು ಒಮ್ಮೆ ಓದಬಹುದು ಎಂದಿದ್ದಾರೆ.
ಎಸ್. ದಿವಾಕರ್ ಅವರು 28 ನವೆಂಬರ್ 1944 ರಲ್ಲಿ ಜನಿಸಿದರು. ಹುಟ್ಟಿದ್ದು ಬೆಂಗಳೂರು ಜಿಲ್ಲೆಯ ಸೋಮತ್ತನಹಳ್ಳಿಯಲ್ಲಿ. ಸಣ್ಣಕಥೆ, ಕಾವ್ಯ, ಪ್ರಬಂಧ, ವಿಮರ್ಶೆ, ಅಂಕಣ ಬರಹ, ಭಾಷಾಂತರ, ಸಂಪಾದನೆ ಇವೆಲ್ಲದರಲ್ಲಿ ಸ್ವೋಪಜ್ಞತೆ ಮತ್ತು ವಿಶಿಷ್ಟತೆ ಮೆರೆದಿರುವ ಎಸ್. ದಿವಾಕರ್, ಸವಿಸ್ತಾರ ಓದಿನ ಜಾಗೃತ ಮನಸ್ಸಿನ ಲೇಖಕರು. ಸುಧಾ, ಪ್ರಜಾವಾಣಿ ಪತ್ರಿಕೆಗಳಲ್ಲಿ ಕೆಲಸ ಮಾಡಿ, ನಂತರ ಅಮೆರಿಕನ್ ಕಾನ್ಸುಲೇಟ್ ಕಚೇರಿಯಲ್ಲಿ ಕನ್ನಡ ಸಂಪಾದಕರಾಗಿ ಕಾರ್ಯನಿರ್ವಹಿಸಿದ್ದಾರೆ. ಇವರ ಪ್ರಕಟಿತ ಕೃತಿಗಳಾದ ಇತಿಹಾಸ, ಎಲ್ಲ ಬಲ್ಲವರಿಲ್ಲ ಈ ಊರಿನಲ್ಲಿ ಆಯ್ದ ಕತೆಗಳು (ಕಥಾ ಸಂಕಲನಗಳು), ಆತ್ಮಚರಿತ್ರೆಯ ಕೊನೆಯ ಪುಟ (ಕವನ ಸಂಕಲನ), ನಾಪತ್ತೆಯಾದ ಗ್ರಾಮಾಫೋನು, ಕೃಷ್ಣಲೀಲೆಯಿಂದ ರಾಮರಾಜ್ಯಕ್ಕೆ ...
READ MOREConcept & Creation 
©2025 Book Brahma Private Limited.
2.jpg)
.jpg)
.jpg)
.jpg)
