‘ಗಜಲ್ ಘಲ್ ಘಲ್’ ಕಾಶೀನಾಥ ಅಂಬಲಗೆ ಅವರ ಅನುವಾದಿತ ಗಜಲ್ ಸಂಕಲನ. ಕನ್ನಡ ಗಜಲುಗಳ ಪರಂಪರೆಯಲ್ಲಿ ಶಾಂತರಸರದು ಒಂದು ಘಟ್ಟವಾದರೆ ಕಾಶೀನಾಥ ಅಂಬಲಗೆಯವರದು ಇನ್ನೊಂದು ಘಟ್ಟ, ಕನ್ನಡ ಗಜಲ್ ಪರಂಪರೆ ಈ ಇಬ್ಬರಿಂದ ಹಿಗ್ಗಿದೆ. ಭಿನ್ನ ಭಿನ್ನ ದಾರಿ ತುಳಿದಿದೆ. ಶಾಂತರಸರ ಗಜಲುಗಳು ಪ್ರೇಮದ ಉತ್ಸಾಹ, ವಿರಹವನ್ನು ಹಿಡಿದರೆ, ಅಂಬಲಗೆಯವರ ಗಜಲುಗಳು ಸಮುದಾಯದ ಆತಂಕಗಳಿಗೆ ದನಿಯಾಗಿವೆ ಎನ್ನುತ್ತಾರೆ ಲೇಖಕ ವಿಕ್ರಮ್ ವಿಸಾಜಿ.
ಈ ಪುಸ್ತಕದಲ್ಲಿ ಅಶೋಕ ಮಿಜಾಜ ಅವರ ಗಜಲುಗಳನ್ನು ಅಂಬಲಗೆ ಅವರು ಅನುವಾದಿಸಿದ್ದಾರೆ. ಅಂಬಲಗೆಯವರ ಕಾವ್ಯಗಳು ಅವರ ನಂಬಿಕೆಗೆ ಹತ್ತಿರದ್ದಾಗಿವೆ. ಅಂದರೆ ಮಾನವೀಯವಾದ ಪ್ರೇಮ, ಸಮುದಾಯದ ಬೇರೆ ಬೇರೆ ನೆಲೆಯಲ್ಲಿ ನಿಂತ ಮನುಷ್ಯ ಎದುರಿಸುತ್ತಿರುವ ಇಕ್ಕಟ್ಟುಗಳು, ಚಡಪಡಿಕೆಗಳು ಹಾಗೂ ಬಿಡುಗಡೆಗೊಳ್ಳಲು ಮಾಡುತ್ತಿರುವ ಪ್ರಯತ್ನಗಳು- ಈ ಎಲ್ಲವುಗಳ ಗುಚ್ಛವಾಗಿದೆ. ಮನುಷ್ಯತ್ವಕ್ಕೆ ಉಂಟಾದ ಗಾಯಗಳ ನೋವು ಈ ಗಜಲುಗಳಲ್ಲಿದೆ. ಸ್ವತಃ ಕವಿಯಾಗಿರುವ ಅಂಬಲಗೆಯವರು ತಮ್ಮದೇ ರಚನೆಗಳು ಎಂಬಷ್ಟು ಆಸಕ್ತಿಯಿಂದ ಅನುವಾದಿಸಿದ್ದಾರೆ.
ಕಾಶೀನಾಥ ಅಂಬಲಗೆ ಅವರು ಹುಟ್ಟಿದ್ದು 10-07-1947 ರಲ್ಲಿ. ಬೀದರ ಜಿಲ್ಲೆಯ, ಬಸವಕಲ್ಯಾಣ ತಾಲೂಕಿನ ಮುಚಳಂಬಿ ಎಂಬ ಗ್ರಾಮದಲ್ಲಿ. ಇವರ ತಂದೆ ರಾಚಪ್ಪ ಅಂಬಲಗೆ, ತಾಯಿ ಗುರಮ್ಮ ಅಂಬಲಗೆ. ಕನ್ನಡದಲ್ಲಿ ಎಂ.ಎ ಪದವಿ ಪಡೆದ ಅಂಬಲಗೆ ಹಿಂದಿ ಭಾಷೆಯಲ್ಲೂ ಎಂ.ಎ ಪದವಿ ಗಳಿಸಿದ್ದಾರೆ. ಬಿ.ಎಡ್ ಜೊತೆಗೆ ಪಿಎಚ್.ಡಿ ಪದವಿಯನ್ನು ಪಡೆದಿದ್ದಾರೆ. ಪಿಎಚ್.ಡಿ ಪದವಿಯನಂತರ ಅಧ್ಯಾಪಕ ವೃತ್ತಿಯನ್ನು ಆಯ್ದುಕೊಂಡ ಅವರು ಮಹಾವಿದ್ಯಾಲಯದಲ್ಲಿ 21ವರ್ಷ, ವಿಶ್ವವಿದ್ಯಾಲಯದಲ್ಲಿ 12 ವರ್ಷ ಹಿಂದಿ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಜೊತೆಗೆ ಪಿಎಚ್.ಡಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶಕರಾಗಿಯೂ ತೊಡಗಿಸಿಕೊಂಡಿದ್ದಾರೆ. ಕವಿ, ಲೇಖಕ, ಸಾಹಿತಿ, ಕಾದಂಬರಿಗಾರರಾದ ಅಂಬಲಗೆ ಅನುವಾದಕರಾಗಿಯೂ ಪ್ರಸಿದ್ಧರು. ಜೊತೆಗೆ ...
READ MORE
Concept & Creation 
©2024 Book Brahma Private Limited.
.jpg)
.jpg)
