‘ನಿಜದ ನೆಲೆ’ ವಸಂತ ಬನ್ನಾಡಿ ಅವರ ರಚನೆಯ ಕವನ ಸಂಕಲನವಾಗಿದೆ. ವಸಂತ ಬನ್ನಾಡಿ ಅವರ 'ನಿಜದ ನೆಲೆ' ಕವನ ಸಂಗ್ರಹದ ಹೆಸರು ಸ್ವಲ್ಪ ಭಾರವೆನಿಸಿದರೂ ಕವನಗಳ ಓದು ದಟ್ಟವಾದ ಕಾವ್ಯಾನುಭವವನ್ನು ಉಂಟುಮಾಡುತ್ತದೆ. ಹಲವಾರು ಕವನಗಳಲ್ಲಿ ಸೂಕ್ಷ್ಮವಾದ ಚಿಂತನೆಗಳನ್ನು ಕಾಣಬಹುದು. ಬ್ರೆಕ್ಟ್‌ನ ಹಲವು ಕವನಗಳ ಉತ್ತಮ ಅನುವಾದ ಇಲ್ಲಿದೆ.
ಸಾಹಿತಿ ವಸಂತ ಬನ್ನಾಡಿ ಅವರು 1955 ಸೆಪ್ಟೆಂಬರ್‌ 20ರಂದು ಉಡುಪಿ ಜಿಲ್ಲೆಯ ಕೋಟದಿಂದ ಮೂರು ಮೀ. ದೂರದ ಬನ್ನಾಡಿಯಲ್ಲಿ ಜನಿಸಿದರು. ವಾಣಿಜ್ಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಇವರು ಅಧ್ಯಪಕರಾಗಿ ವೃತ್ತಿ ಆರಂಭಿಸಿದರು. ಬಾಲ್ಯದಿಂದಲೂ ಸಾಹಿತ್ಯ ಹಾಗೂ ರಂಗಭೂಮಿಯಲ್ಲಿ ಅಪಾರ ಆಸಕ್ತಿ ಹೊಂದಿದ್ದ ಇವರು ಕಾಲೇಜು ದಿನಗಳಲ್ಲೇ ಬರೆದ ಕತೆ, ಕವನಗಳು ಮಾಸಿಕದಲ್ಲಿ ಪ್ರಕಟವಾಗಿವೆ. ಈವರೆಗೂ ಸುಮಾರು 25 ನಾಟಕಗಳನ್ನು ನಿರ್ದೇಶಿಸಿರುವ ಇವರಿಗೆ ನಾಲ್ಕು ಬಾರಿ ರಾಜ್ಯಮಟ್ಟದ ಶ್ರೇಷ್ಠ ನಿರ್ದೇಶಕ ಪ್ರಶಸ್ತಿ ಬಂದಿದೆ.ಇವರ ಕೃತಿಗಳು ಕಡಲಧ್ಯಾನ, ನೀಲಿಹೂ, ನಿಜದ ನೆಲೆ (ಕವನ ಸಂಕಲನಗಳು) ಸಂಸ್ಕೃತಿ ಚಿಂತನೆ, ಲೇಖನಗಳು, ಬೆಂಕಿಯ ನಾನೇ ಆಹುತಿಯೂ ...
READ MOREಹೊಸತು- ಸೆಪ್ಟೆಂಬರ್‌-2005
ವಸಂತ ಬನ್ನಾಡಿ ಅವರ 'ನಿಜದ ನೆಲೆ' ಕವನ ಸಂಗ್ರಹದ ಹೆಸರು ಸ್ವಲ್ಪ ಭಾರವೆನಿಸಿದರೂ ಕವನಗಳ ಓದು ದಟ್ಟವಾದ ಕಾವ್ಯಾನುಭವವನ್ನು ಉಂಟುಮಾಡುತ್ತದೆ. ಹಲವಾರು ಕವನಗಳಲ್ಲಿ ಸೂಕ್ಷ್ಮವಾದ ಚಿಂತನೆಗಳನ್ನು ಕಾಣಬಹುದು. ಬ್ರೆಕ್ಟ್‌ನ ಹಲವು ಕವನಗಳ ಉತ್ತಮ ಅನುವಾದ ಇಲ್ಲಿದೆ. ಪುಸ್ತಕಕ್ಕೆ ಮುನ್ನುಡಿ ಬರೆದಿರುವ ಕೆ. ಫಣಿರಾಜ್ ಅವರು ಗುರುತಿಸಿರುವಂತೆ ಈ ಸಂಕಲನದ ಬಹುಪಾಲು ಪದ್ಯಗಳು ಭಾವ ಸ್ವಗತಗಳು. ಹಲವು ಕಿರುಕವಿತೆಗಳು ರಾಮಾನುಜನ್, ಲಂಕೇಶ್ ಅವರ ಪದ್ಯಗಳಂತೆ ಗಮನ ಸೆಳೆಯುತ್ತವೆ. ಆರೋಗ್ಯಕರ 'ರಾಜಕೀಯ ಚಿಂತನೆ'ಯನ್ನು 'ದಿ ಗ್ರೇಟ್ ಡಿಕ್ಟೇಟರ್ ಮತ್ತೊಮ್ಮೆ ನೋಡಿದಾಗ' ಕವನ ವ್ಯಕ್ತಪಡಿಸಿದೆ. 'ಮಾತುಗಳು ಏನನ್ನೂ ಹೇಳಲಾರವು' ಕಾವ್ಯ ಸ್ವರೂಪವನ್ನು ಗಂಭೀರವಾಗಿ ಚಿಂತಿಸುವ ಕವನ, ಇತ್ತೀಚೆಗೆ ಬಂದ ಉತ್ತಮ ಕವನ ಸಂಕಲನಗಳಲ್ಲಿ 'ನಿಜದ ನೆಲೆ' ಸಹ ಒಂದು.
Concept & Creation 
©2024 Book Brahma Private Limited.
.jpg)
.jpg)
