ಪಾಶ್ ಕವಿತೆಗಳು- ಶೋಷಿತ ವ್ಯವಸ್ಥೆಯ ವಿರುದ್ಧ ಹೋರಾಡಿದ ಪಂಜಾಬಿನ ಪ್ರಮುಖ ಕವಿ ಪಾಶ್ ಅವರ ಕವನಗಳನ್ನು ಕಾಶೀನಾಥ ಅಂಬಲಗೆ ಅವರು ಹಿಂದಿಯಿಂದ ಕನ್ನಡಕ್ಕೆ ಅನುವಾದಿಸಿದ್ದಾರೆ . ಪಾಶ್ ಅಪ್ಪಟ ಹೋರಾಟಗಾರ, ತೋರಿಕೆಗಳಿಂದ ದೂರವೇ ಉಳಿದಿದ್ದ ಪಾಶ್ , ಕವಿತೆಗಳಲ್ಲಿ ಅಭಿವ್ಯಕ್ತಿಯ ತೀವ್ರತೆಯ ಜೊತೆಗೆ, ಹೆಚ್ಚೆಚ್ಚು ಪಾರದರ್ಶಕವಾಗಿ ಬರೆಯುತ್ತಿದ್ದ ಕವಿ. ಅಧಿಕಾರಶಾಹಿ ವ್ಯವಸ್ಥೆಯ ವಿರುದ್ಧ, ಬಂಡವಾಳಶಾಹಿಗಳ ವಿರುದ್ಧ ತೀವ್ರವಾಗಿ ಬರೆಯುತ್ತಿದ್ದ ಪಾಶ್ ಸದಾ ದುಡಿವ ಜನರ, ಕೂಲಿಕಾರ್ಮಿಕರ ಪರ ಕಾವ್ಯದ ಮೂಲಕವೇ ಹೋರಾಟಕ್ಕಿಳಿಯುತ್ತಿದ್ದ. ಮೂಲಭೂತವಾದಿಗಳನ್ನು ಕಟುವಾಗಿ ವಿರೋಧಿಸುತ್ತಿದ್ದ ಪಾಶ್, ಒಂದು ಕವಿತೆಯಲ್ಲಿ ‘ಯಾವುದೇ ಧರ್ಮದ ಯಾವುದೇ ಗ್ರಂಥವು ನನ್ನ ಗಾಯಗೊಂಡ ತುಟಿಗಳ ಮೌನಕ್ಕಿಂತ ಬಹಳ ಪವಿತ್ರವೇನೂ ಇರುವುದಿಲ್ಲ’ ಎನ್ನುತ್ತಾನೆ. ಇಂತಹ 37 ಕವಿತೆಗಳನ್ನು ಈ ಪುಸ್ತಕದಲ್ಲಿ ಅಷ್ಟೇ ಗಾಢವಾಗಿ ಕಾಶೀನಾಥ ಅಂಬಲಗೆ ಅವರು ಅನುವಾದಿಸಿದ್ದಾರೆ.
ಕಾಶೀನಾಥ ಅಂಬಲಗೆ ಅವರು ಹುಟ್ಟಿದ್ದು 10-07-1947 ರಲ್ಲಿ. ಬೀದರ ಜಿಲ್ಲೆಯ, ಬಸವಕಲ್ಯಾಣ ತಾಲೂಕಿನ ಮುಚಳಂಬಿ ಎಂಬ ಗ್ರಾಮದಲ್ಲಿ. ಇವರ ತಂದೆ ರಾಚಪ್ಪ ಅಂಬಲಗೆ, ತಾಯಿ ಗುರಮ್ಮ ಅಂಬಲಗೆ. ಕನ್ನಡದಲ್ಲಿ ಎಂ.ಎ ಪದವಿ ಪಡೆದ ಅಂಬಲಗೆ ಹಿಂದಿ ಭಾಷೆಯಲ್ಲೂ ಎಂ.ಎ ಪದವಿ ಗಳಿಸಿದ್ದಾರೆ. ಬಿ.ಎಡ್ ಜೊತೆಗೆ ಪಿಎಚ್.ಡಿ ಪದವಿಯನ್ನು ಪಡೆದಿದ್ದಾರೆ. ಪಿಎಚ್.ಡಿ ಪದವಿಯನಂತರ ಅಧ್ಯಾಪಕ ವೃತ್ತಿಯನ್ನು ಆಯ್ದುಕೊಂಡ ಅವರು ಮಹಾವಿದ್ಯಾಲಯದಲ್ಲಿ 21ವರ್ಷ, ವಿಶ್ವವಿದ್ಯಾಲಯದಲ್ಲಿ 12 ವರ್ಷ ಹಿಂದಿ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಜೊತೆಗೆ ಪಿಎಚ್.ಡಿ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶಕರಾಗಿಯೂ ತೊಡಗಿಸಿಕೊಂಡಿದ್ದಾರೆ. ಕವಿ, ಲೇಖಕ, ಸಾಹಿತಿ, ಕಾದಂಬರಿಗಾರರಾದ ಅಂಬಲಗೆ ಅನುವಾದಕರಾಗಿಯೂ ಪ್ರಸಿದ್ಧರು. ಜೊತೆಗೆ ...
READ MORE
Concept & Creation 
©2024 Book Brahma Private Limited.
.jpg)
.jpg)
