ಖ್ಯಾತ ಸಾಹಿತಿ ಡಿ.ವಿ.ಜಿ ಅವರು ಬರೆದ ಕೃತಿ-ಈಶೋಪನಿಷತ್ತು. 1953ರಲ್ಲಿ ಈ ಕೃತಿ ಮೊದಲ ಮುದ್ರಣ ಕಂಡಿತ್ತು. ಕೃತಿಯಲ್ಲಿ ಅವತರಣಿಕೆ, ಉಪನಿಷದ್ವಿಚಾರ, ತಾತ್ಪರ್ಯ ಸಂಗ್ರಹ, ಈಶೋಪನಿಷತ್ತು-ಛಾಯಾಪದ್ಯಗಳ ಟಿಪ್ಪಣಿಗಳು ಜೀವನ ತತ್ವ-ಮೌಲ್ಯಗಳನ್ನು ತಿಳಿಸಿಕೊಡುವ ಗ್ರಂಥವಿದು. ಮನುಷ್ಯನ ಅಂತರಂಗದಲ್ಲಿರುವ ಅಧ್ಯಾತ್ಮಕಿ ವಾಸನೆಯನ್ನು ಇಂತಹ ಗ್ರಂಥಗಳು ಜಾಗೃತಗೊಳಿಸುತ್ತವೆ. ಅಕ್ಕಿಯಿಂದ ಅನ್ನವಾಗಿಸುವುದು ಪಾತ್ರೆಯಲ್ಲ; ಬೆಂಕಿಯುರಿ ಮಂತ್ರದಿಂದ ತತ್ವದರ್ಶನವನ್ನು ಉಂಟಾಗಿಸುವುದು ಮನಸ್ಸಿನ ಕಾವು. ಅದೇ ಶ್ರದ್ಧೆ, ಅದೇ ತಪಸ್ಸು. ಜೀವ-ಜಗತ್ತು ಹಾಗೂ ಈಶ್ವರ ಅಂದರೆ ಜಗತ್ತನ್ನು ಅನುಭವಿಸುವ ಜೀವ, ಜೀವವನ್ನು ಅನುಭವಿಸುವ ಜಗತ್ತು
ಹಾಗೂ ಎರಡಕ್ಕೂ ಅನುಭವ ಸಂಬಂಧವನ್ನು ಹೊಂದಿರುವ ತತ್ವ -ಈಶ್ವರ-ಈ ಎಲ್ಲವುಗಳ ಅಂತರ್ ಸಂಬಂಧವನ್ನು ಈ ಕೃತಿಯು ಒಳಗೊಂಡಿದೆ.
ಈ ಕೃತಿಯನ್ನು ಮೊದಲು ಮೈಸೂರಿನ ಕಾವ್ಯಾಲಯ ಪ್ರಕಾಶನವು 1970ರಲ್ಲಿ (ಪುಟ: 60) ಪ್ರಕಟಿಸಿತ್ತು.
ಮಂಕುತಿಮ್ಮನ ಕಗ್ಗ ಕಾವ್ಯದಿಂದ ಲೋಕವಿಖ್ಯಾತರಾದ ಡಿವಿಜಿ ಅವರು (ದೇವನಹಳ್ಳಿ ವೆಂಕಟರಮಣಯ್ಯ ಗುಂಡಪ್ಪ) ಲೇಖಕ- ಪತ್ರಕರ್ತ. ಕೋಲಾರ ಜಿಲ್ಲೆಯ ಮುಳಬಾಗಿಲಿನಲ್ಲಿ 1887ರ ಮಾರ್ಚ್ 17ರಂದು ಜನಿಸಿದ ಗುಂಡಪ್ಪ ಅವರು ಪ್ರೌಢಾಶಾಲಾ ಶಿಕ್ಷಣವನ್ನು ಮೈಸೂರು ಮಹಾರಾಜ ಪ್ರೌಢಶಾಲೆಯಲ್ಲಿ ಪಡೆದರು. ಮೆಟ್ರಿಕ್ ಪರೀಕ್ಷೆಯಲ್ಲಿ ಉತ್ತೀರ್ಣರಾಗದಿದ್ದರೂ ಸ್ವಂತ ಅಧ್ಯಯನದಿಂದ ಕನ್ನಡ, ಸಂಸ್ಕೃತ, ಇಂಗ್ಲಿಷ್ ಭಾಷೆಗಳಲ್ಲಿ ಪರಿಣತರಾಗಿದ್ದರು. ಮುಳುಬಾಗಿಲಿನ ಒಂದು ಶಾಲೆಯಲ್ಲಿ ಕೆಲವು ಕಾಲ ಬದಲಿ ಅಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದರು. ಅನಂತರ ಕೋಲಾರದ ಸೋಡಾ ಫ್ಯಾಕ್ಟರಿಯೊಂದರಲ್ಲಿ ಕೆಲಸ ಮಾಡಿ ಬೇಸತ್ತು ಬೆಂಗಳೂರಿನಲ್ಲಿ ಜಟಕಾಬಂಡಿಗೆ ಬಣ್ಣ ಬಳಿಯುವ ಕಾರ್ಖಾನೆಯಲ್ಲಿ ಕೆಲಕಾಲ ಕೆಲಸ ಮಾಡಿದರು. ಅನಂತರ ಪತ್ರಿಕಾರಂಗ ...
READ MORE
Concept & Creation 
©2024 Book Brahma Private Limited.
