ಕಾಂತಾವರ ಕನ್ನಡ ಸಂಘವು 'ನಾಡಿಗೆ ನಮಸ್ಕಾರ ಸಾಹಿತ್ಯ ಸಂಸ್ಕೃತಿ ಚಿಂತನ ಗ್ರಂಥಮಾಲೆಯಲ್ಲಿ ಪ್ರಕಟಿಸಿರುವ 251ನೇ ಕೃತಿ ವಿಜಯಾ ವಿಷ್ಣು ಭಟ್. ಸಮಾಜ ಸೇವಕಿ, ಸಾಹಿತಿ ವಿಜಯಾ ವಿಷ್ಣು ಭಟ್ ಅವರು ಸಾಹಿತಿಯಾಗಿ, ಮಹಿಳಾ ಸಬಲೀಕರಣದ ಕಾರ್ಯಕರ್ತೆಯಾಗಿ ಕೆಲಸ ಮಾಡಿದ್ದಾರೆ. ವಿಜಯಾ ವಿಷ್ಣು ಭಟ್ ಅವರು ಮಾಡಿರುವ ಸಾಧನೆ ಮಾರ್ಗದರ್ಶಕವಾಗಿದೆ. ಖ್ಯಾತ ಸಾಹಿತಿ, ಪ್ರಶಸ್ತಿ ವಿಜೇತ ಶಿಕ್ಷಕ, ವೇದ ವಿದ್ವಾಂಸ ಡೋಂಗೆ ವಿಷ್ಣು ಭಟ್ ಅವರ ಪತ್ನಿಯಾಗಿರುವ ವಿಜಯಾ ಭಟ್ ಅವರು ಶಿಕ್ಷಣ ವಂಚಿತ ಬಡತನದ ಬಾಲ್ಯದಿಂದ ಮಹಿಳೆಯರಿಗೆ ಆದರ್ಶವಾಗುವವರೆಗೆ ಬೆಳೆದದ್ದು ಒಂದು ಯಶೋಗಾಥೆ. ಅವರು ಪತಿಯಂತೆ ಸ್ವಾಧ್ಯಾಯದಿಂದಲೇ ವಿದುಷಿಯಾದವರು.
ಬೆಂಗಳೂರಿನಲ್ಲಿ ನೆಲೆಸಿರುವ ಡಾ. ದೀಪಾ ಫಡ್ಕೆ ಅವರು ಮೂಲತಃ ದಕ್ಷಿಣಕನ್ನಡದ ಬೆಳ್ತಂಗಡಿಯವರು. ಉಜಿರೆಯಲ್ಲಿ ಪದವಿ ಪಡೆದು, ಕನ್ನಡ ಎಂ.ಎ. ಪದವಿಯನ್ನು ಮೈಸೂರು ಮುಕ್ತ ವಿಶ್ವವಿದ್ಯಾನಿಲಯದಿಂದ ಪಡೆದಿದ್ದಾರೆ. 'ಪುರಂದರ ಕನಕರ ಕೀರ್ತನೆ ಗಳಲ್ಲಿ ಅಭಿವ್ಯಕ್ತಿ : ಮನೋವೈಜ್ಞಾನಿಕ ಅಧ್ಯಯನ' ಎನ್ನುವ ವಿಷಯದಲ್ಲಿ ಅಧ್ಯಯನ ನಡೆಸಿರುವ ದೀಪಾ ಅವರಿಗೆ ಮೈಸೂರು ವಿಶ್ವವಿದ್ಯಾನಿಲಯದಿಂದ ಪಿಎಚ್.ಡಿ. ಪದವಿ ದೊರೆತಿದೆ. ದೀಪಾ ಫಡ್ಡೆಯವರು, ಸಂಸ್ಕೃತಿ ಕುರಿತ ಬರಹಗಳ ಗುಚ್ಛವಾದ 'ಋತ', ’ಹರಪನಹಳ್ಳಿ ಭೀಮವ್ವ', 'ಡಾ. ಪ್ರದೀಪಕುಮಾರ್ ಹೆಬ್ರಿ-ಮಹಾಕಾವ್ಯಗಳ ಕವಿ' ಹಾಗೂ ’ಲೋಕಸಂವಾದಿ' (ಮೊಗಸಾಲೆಯವರ ಬದುಕು ಬರಹಗಳ ಕುರಿತು), ನಾಡಿಗೆ ನಮಸ್ಕಾರ ಮಾಲೆಗಾಗಿ ಈ ಕೃತಿಯಲ್ಲದೆ ...
READ MORE
Concept & Creation 
©2024 Book Brahma Private Limited.
