ತಮಿಳಿನ ಲೇಖಕ ಪೆರುಮಾಳ್ ಮುರುನ್ ಅವರ ‘ಪೋಕುಳಿ’ ಕಾದಂಬರಿಯ ಕನ್ನಡ ಅನುವಾದ ‘ಹೂ ಕೊಂಡ. ಈ ಕೃತಿಯನ್ನು ಕನ್ನಡಕ್ಕೆ ಅನುವಾದಿಸಿದವರು ಲೇಖಕ ಕೆ. ನಲ್ಲತಂಬಿ. ಅನುವಾದಕ ನಲ್ಲತಂಬಿ ಃಏಳುವಂತೆ, ‘ ಈ ಪುಸ್ತಕದ ಮೂಲ ತಮಿಳು, ಲೇಖಕರು ಪೆರುಮಾಳ್ ಮುರುಗನ್. ಇದು ನಾನು ಅನುವಾದಿಸುತ್ತಿರುವ ಅವರ ಎರಡನೆಯ ಕಾದಂಬರಿ. ಇದು ಸಹ ತಮಿಳುನಾಡಿನ ಒಂದು ಭಾಗಕ್ಕೆ ಸೇರಿದ ಭಾಷಾ ರೂಪವನ್ನು ತಾಳಿದ್ದರೂ ಅವರ ಮೊದಲ ಪುಸ್ತಕವಾದ ‘ಅರ್ಧನಾರೀಶ್ವರ’ನನ್ನು ಅನುವಾದಿಸಿದಾಗ ಉಂಟಾದ ತೊಂದರೆಗಳು ಆಗಲಿಲ್ಲ. ಅವರ ಭಾಷೆಯ ಪರಿಚಯವಿದ್ದದ್ದರಿಂದ ಸ್ವಲ್ಪ ಸುಲಭವಾಗಿಯೇ ಅನುವಾದಿಸಲು ಸಾಧ್ಯವಾಯಿತು’ ಎಂದಿದ್ದಾರೆ. ‘ಮುರುಗನ್ ಅವರು ಸಾಹಿತ್ಯ ಚರಿತ್ರೆಯ ಉನ್ನತ ದಾಖಲೆಗಾರ.ಅವರು ತಮ್ಮ ಸೃಜನಶೀಲತೆಯ ಉತ್ತಂಗುದಲ್ಲಿದ್ದಾರೆ’ ಎಂಬುದಾಗಿ ದ ಹಿಂದೂ ಪತ್ರಿಕೆಯಲ್ಲಿ ಬಂದಿರುವ ಸಾಲುಗಳು ಕೃತಿಯ ಬೆನ್ನುಡಿಯಲ್ಲಿದೆ.
ಕೆ. ನಲ್ಲತಂಬಿ ತಮಿಳು ಮತ್ತು ಕನ್ನಡ ಸಾಹಿತ್ಯಕ್ಕೆ ಕೊಂಡಿಯಾಗಿ ಪ್ರಮುಖರು. ಮನೆ ಭಾಷೆ ತಮಿಳು. ಕನ್ನಡ ಸಾಹಿತ್ಯದಲ್ಲಿ ತಮ್ಮದೇ ಅಸ್ತಿತ್ವ ಕಂಡು ಕೊಂಡವರು. ಅವರ ಪೂರ್ಣ ಹೆಸರು ಕಾಳಿಮುತ್ತು ನಲ್ಲತಂಬಿ. ಕನ್ನಡದಿಂದ ತಮಿಳಿಗೆ, ತಮಿಳಿನಿಂದ ಕನ್ನಡಕ್ಕೆ ಹಲವಾರು ವಿಶಿಷ್ಟ ಕಾದಂಬರಿಗಳನ್ನು ಅನುವಾದಿಸಿ, ತಮ್ಮ ಭಾಷಾಂತರ ಕುಶಲತೆಯಿಂದ ಕನ್ನಡ ಮತ್ತು ತಮಿಳು ಸಾಹಿತ್ಯಾಸಕ್ತರಿಗೆ ಎರಡೂ ಭಾಷೆಗಳ ಸೊಗಡನ್ನು ಉಣ್ಣಿಸುತ್ತಿದ್ದಾರೆ. ಅರ್ಧನಾರೀಶ್ವರ, ಹುಣಿಸೆಮರದ ಕಥೆ, ಹಳ್ಳ ಬಂತು ಹಳ್ಳ, ಯಾದ್ವಶೇಮ್, ಕಡುಗು ವಾಂಗಿ ವಂದವಳ್ (ಸಾಸಿವೆ ತಂದವಳು) ಅವರ ಅತ್ಯಂತ ಗಮನಾರ್ಹ ಅನುವಾದಿತ ಕೃತಿಗಳು. ‘ಕೋಶಿ’ಸ್‌ ಕವಿತೆಗಳು’ ಅವರ ಸ್ವತಂತ್ರ ಕವನ ಸಂಕಲನ. ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
