‘ಮಹಾಮಾರಿ ವೈರಸ್ ಜಗತ್ತು’ ಲೇಖಕ ಡಾ.ಎಂ. ವೆಂಕಟಸ್ವಾಮಿ ಅವರ ಕೃತಿ. ‘2019ನೇ ವರ್ಷದ ಕೊನೆ ತಿಂಗಳಲ್ಲಿ ಚೀನಾದಲ್ಲಿ ಮೊದಲಿಗೆ ಈ ಮಹಾಮಾರಿ ಕೋವಿಡ್-19 ಕಾಣಿಸಿಕೊಂಡಿತು. ಪ್ರಜಾವಾಣಿಯಲ್ಲಿ ಮೊದಲ ಬಾರಿಗೆ (5.2.2020)ನಾನು ಬರೆದ ‘ಕರೋನ:ಕಟ್ಟೆಚ್ಚರವೇ ಪರಿಹಾರ’ ಎಂಬ ಲೇಖನ ಪ್ರಕಟವಾಯಿತು. ಅದಾದ ಮೇಲೆ ಕರೋನ ಬಗ್ಗೆ ಪ್ರಜಾವಾಣಿ, ವಾರ್ತಾಭಾರತಿ ಇನ್ನಿತರ ಪತ್ರಿಕೆಗಳಲ್ಲಿ ನಾಲ್ಕಾರು ಲೇಖನಗಳನ್ನು ಬರೆದೆ. ಜೊತೆಗೆ ಕನ್ನಡ, ಇಂಗ್ಲಿಷ್ ಪತ್ರಿಕೆಗಳಲ್ಲಿ ಪ್ರಕಟವಾಗುತ್ತಿದ್ದ ಕರೋನ ಬಗೆಗಿನ ಹಲವಾರು ಲೇಖನಗಳನ್ನು ಓದುತ್ತಿದ್ದಂತೆ ನಾನೇ ಒಂದು ಪುಸ್ತಕ ಬರೆದರೆ ಹೇಗೆ ಎಂಬ ಸಣ್ಣ ಆಸೆ ಹುಟ್ಟಿಕೊಂಡಿತು ಎನ್ನುತ್ತಾರೆ ಲೇಖಕ ಎಂ. ವೆಂಕಟಸ್ವಾಮಿ. ಭೂವಿಜ್ಞಾನಿಯಾದ ಎಂ. ವೆಂಕಟಸ್ವಾಮಿ ಅವರು ಈ ಕೃತಿಯಲ್ಲಿ ವೈರಸ್ ಜಗತ್ತಿನ ಕುರಿತು ಅತ್ಯಂತ ಸೂಕ್ಷ್ಮವಿಚಾರಗಳನ್ನು ಬರೆದಿದ್ದಾರೆ. ಈ ಪುಸ್ತಕವು ‘ಇ-ಪುಸ್ತಕ’ ಡಿಜಿಟಲ್ ರೂಪದಲ್ಲಿಯೂ ಪ್ರಕಟಗೊಂಡಿದೆ.
ಕೋಲಾರ ಜಿಲ್ಲೆ ಬಂಗಾರಪೇಟೆ ತಾಲ್ಲೂಕಿನ ಯರ್ರಗೊಂಡ ಬ್ಯಾಟರಾಯನಹಳ್ಳಿಗೆ ಸೇರಿದ ಡಾ.ಎಂ.ವೆಂಕಟಸ್ವಾಮಿ ಅವರು 06.11.1955 ರಂದು ಜನಿಸಿದರು, ಪ್ರಾಥಮಿಕ ಶಿಕ್ಷಣ ತನ್ನ ಊರಿನಲ್ಲಿ ಮತ್ತು ಮಾಧ್ಯಮಿಕ ಶಿಕ್ಷಣವನ್ನು ಘಟ್ಟುಮಾದಮಂಗಳದಲ್ಲಿ ಪೂರೈಸಿದರು. ಕೆ.ಜಿ.ಎಫ್ನ ಮುನಿಸಿಪಲ್ ಬಾಯ್ಸ್ ಪ್ರೌಢಶಾಲೆಯಲ್ಲಿ ಹೈಸ್ಕೂಲ್ ಶಿಕ್ಷಣ ಮತ್ತು ಕೆಜಿಎಫ್ ಪ್ರ.ದ.ಕಾಲೇಜಿನಲ್ಲಿ ಬಿ.ಎಸ್ಸಿ. ಮುಗಿಸಿದರು. ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ (ಭೂವಿಜ್ಞಾನ) ಎಂ.ಎಸ್ಸಿ., ಮುಗಿಸಿದರು. 1984ರಲ್ಲಿ ಲಕ್ನೋದಲ್ಲಿ ಭೂವಿಜ್ಞಾನಿಯಾಗಿ ಸೇರಿ, ಭಾರತೀಯ ಭೂವೈಜ್ಞಾನಿಕ ಸರ್ವೆಕ್ಷಣಾ ಇಲಾಖೆಯ (2015ರಲ್ಲಿ ನಾಗ್ಪುರದಲ್ಲಿ) ಮಹಾನಿರ್ದೇಶಕರಾಗಿ ನಿವೃತ್ತರಾದರು. ಅದಕ್ಕೆ ಮುಂಚೆ ಸ್ವಲ್ಪ ಕಾಲ ಕೆಜಿಎಫ್ನ ಎಲ್.ಐ.ಸಿ ಮತ್ತು ಮಧ್ಯಪ್ರದೇಶದ ಬಿಲಾಯ್ನಲ್ಲಿ (SAIL) ಕೆಲಸ ಮಾಡಿದ್ದರು. ‘ಕೋಲಾರ ಚಿನ್ನದ ಗಣಿಗಳು'' ಮಹಾಪ್ರಬಂಧಕ್ಕೆ ...
READ MOREಮಹಾಮಾರಿ ವೈರಸ್ ಜಗತ್ತು ಕೃತಿಯ ವಿಮರ್ಶೆ
ಈ ಪುಸ್ತಕದಲ್ಲಿ ಇಡೀ ಜಗತ್ತನ್ನೇ ನಲುಗಿಸಿದ ಕೊರೋನಾ ವೈರಸ್ಸಿನ ಜೊತೆಗೆ ಈ ಹಿಂದೆ ಮನುಕುಲವನ್ನು ಅಲುಗಾಡಿಸಿದ ವಿವಿಧ ವೈರಸ್ಗಳ ಇತಿಹಾಸವಿದೆ. ವೈರಾಲಜಿ ಎಂದರೆ ಏನು, ಉಪಯುಕ್ತ ವೈರಸ್ಗಳು, ವುಹಾನ್ನ ವೈರಾಲಜಿ ಇನ್ಸ್ಟಿಟ್ಯೂಟ್ ಹಾಗೂ ಭವಿಷ್ಯದಲ್ಲಿ ಮನುಷ್ಯ ಕುಲವನ್ನು ಕಾಡಲಿರುವ ವೈರಸ್ಗಳು ಹಾಗೂ ಅವುಗಳನ್ನು ಹೇಗೆ ಎದುರಿಸ ಬೇಕು ಎಂದು ಸರಳವಾಗಿ ವಿವರಿಸುವ ಪುಸ್ತಕ ಇದಾಗಿದೆ.
(ಕೃಪೆ; ಓದುಬರಹ)
Concept & Creation 
©2025 Book Brahma Private Limited.
.jpg)
.jpg)
