‘ಅನುದಿನದ ಅಂತರಗಂಗೆ’ ಹಿರಿಯ ಲೇಖಕಿ, ಕವಿ, ಪ್ರತಿಭಾ ನಂದಕುಮಾರ್ ಅವರ ಆತ್ಮಕಥನ. ನಾವು ಹುಡುಗಿಯರೇ ಹೀಗೆ ಎಂಬ ಕವನದ ಮೂಲಕ ಕನ್ನಡ ಕಾವ್ಯಲೋಕಕ್ಕೆ ಮತ್ತೊಂದು ಮಜಲನ್ನು ಪರಿಚಯಿಸಿದ ಪ್ರತಿಭಾ ನಂದಕುಮಾರ್, ತಮ್ಮ ಬದುಕನ್ನು ತೀವ್ರವಾಗಿ ಬದುಕುವವರು. ಬದುಕಿನ ಪ್ರತಿ ಘಟ್ಟವನ್ನು ತೀವ್ರವಾಗಿ ಅನುಭವಿಸಿ ಬರೆವ ಅವರ ಪದ್ಯಗಳಂತೆಯೇ ಅವರ ಆತ್ಮಕಥನ ಅನುದಿನದ ಅಂತರಗಂಗೆಯೂ ಧುಮ್ಮಿಕ್ಕುವ ಭಾವಗಳಲ್ಲಿ ಸಾಗುತ್ತದೆ. ಬದುಕಿನ ಬವಣೆಗಳೊಂದಿಗೆ ಸೆಣೆಸಾಡುತ್ತಲೇ ಕಾವ್ಯದ ಗಮ್ಯವನ್ನು ತಲುಪಿದ ಪ್ರತಿಭಾ ಅವರ ಬದುಕು ಅನುದಿನದ ಅಂತರಗಂಗೆಯಲ್ಲಿ ಕಾವ್ಯಾತ್ಮಕವಾಗಿಯೇ ದಾಖಲಾಗಿದೆ.
ಲೇಖಕಿ ಪ್ರತಿಭಾ ನಂದಕುಮಾರ್ ಅವರು ಮೂಲತಃ ಬೆಂಗಳೂರಿನವರು. 1955 ಡಿಸೆಂಬರ್ 25ರಂದು ಜನಿಸಿದರು. ತಂದೆ-ವಿ. ಎಸ್. ರಾಮಚಂದ್ರರಾವ್, ತಾಯಿ- ಯಮುನಾಬಾಯಿ. ಬಾಲ್ಯದ ಬಹುದಿನಗಳನ್ನು ಬೆಂಗಳೂರು ಮತ್ತು ಮೈಸೂರಿನಲ್ಲಿ ಕಳೆದಿರುವ ಪ್ರತಿಭಾ, ಮದ್ರಾಸ್ ವಿಶ್ವವಿದ್ಯಾಲಯದಿಂದ ಎಂ.ಎ ಮತ್ತು ಎಂ.ಫಿಲ್ ಪದವಿ ಪಡೆದಿದ್ದಾರೆ. ಎನ್.ಜಿ.ಎಫ್‌ನಲ್ಲಿ ಭಾಷಾಂತರಕಾರರಾಗಿ ನಂತರ ಇಂಡಿಯನ್ ಎಕ್ಸ್‌ಪ್ರೆಸ್, ಡೆಕ್ಕನ್ ಹೆರಾಲ್ಡ್ ಮತ್ತು ಅಗ್ನಿ ಪತ್ರಿಕೆಗಳಲ್ಲಿ ಪತ್ರಕರ್ತೆಯಾಗಿ ಕಾರ್ಯನಿರ್ವಹಿಸಿದ್ದಾರೆ. ಜೊತೆಗೆ ಸಿನಿಮಾ ರಂಗದಲ್ಲಿಯೂ ಸಹಾಯಕ ನಿರ್ದೇಶಕಿಯಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಪತಿ ನಂದಕುಮಾರ್ ಹಾಗೂ ಮಕ್ಕಳು ಅಭಿರಾಮ್ ಮತ್ತು ಭಾಮಿನಿ ಜೊತೆ ಸದ್ಯ ಬೆಂಗಳೂರಿನಲ್ಲಿ ವಾಸವಿರುವ ಪ್ರತಿಭಾ ನಂದಕುಮಾರ್ ಕಾವ್ಯಧರ್ಮವನ್ನೇ ...
READ MORE
Concept & Creation 
©2023 Book Brahma Private Limited.
.jpg)
