ಮರೆಯಲಾದೀತೆ ?...

Author : ಬೆಳಗೆರೆ ಕೃಷ್ಣಶಾಸ್ತ್ರಿ

Pages 424

₹ 350.00




Year of Publication: 2013
Published by: ಅಭಿನವ
Phone: 9448804905

Synopsis

ನಮ್ಮ ನಡುವಿನ ಸಂತ, ಅನುಭಾವಿ ಬೆಳಗೆರೆ ಕೃಷ್ಣಶಾಸ್ತ್ರಿಗಳು ತಮ್ಮ ಬದುಕಿನಲ್ಲಿ ಕಂಡ ಅನೇಕ ವ್ಯಕ್ತಿಗಳ ಬಗ್ಗೆ ಬರೆದ ಕೃತಿ ’ಮರೆಯಲಾದೀತೆ...?’  ಕೃತಿ ಕುರಿತು ಪುಸ್ತಕದಲ್ಲಿರುವ ಅಪೂರ್ವ ಮಾಹಿತಿ ಬೆಳಗೆರೆ ಅವರ ಬದುಕು, ಅವರ ಜೀವನದೃಷ್ಟಿಯನ್ನು ವಿವರಿಸುತ್ತದೆ: 

ಬೆಳಗೆರೆ ಕೃಷ್ಣಶಾಸ್ತ್ರಿಗಳು ಅಪೂರ್ವ ಅನುಭಾವಿ. ಅನುಭಾವವೆನ್ನುವುದು ನಿಗೂಢದ ಕಥೆ ಅಲ್ಲ, ಅದು ಚೈತನ್ಯದ ಕ್ಷಣಗಳನ್ನು, ತಿಳಿವಿನ ವಾತಾವರಣವನ್ನು ಹುಡುಕುವ, ಹಾಗೆ ಹುಡುಕಿದ್ದನ್ನು ಅರಿಯುವ, ನಿಬ್ಬೆರಗಿನಿಂದ ಮೆಲುಕುಹಾಕುವ, ಗತಿಶೀಲತೆಯಾಗಿದೆ. ಇಂತಹ ಗತಿಶೀಲತೆಯ ಅನುಭವವನ್ನು ಅವರು  ಮೈದುಂಬಿ, ಮನದುಂಬಿ ಪಡೆದಿದ್ದಾರೆ. ಹಾಗೆ ಪಡೆದಿದ್ದನ್ನು ಅನುಭವವಾಗಿಯೇ ಮಾತುಗಳಲ್ಲಿ ಹಂಚಿಕೊಂಡಿದ್ದಾರೆ. ತಿಳಿವಿನ ಅನುಭವಕ್ಕೆ ಮಾತುಗಳ ಮೂಲಕ ಪಾರದರ್ಶಕತೆ ಸಾಧ್ಯವಾಗುವುದು ಆನುಭಾವದ ಒಂದು ಮುಖ್ಯ ಸಾಧನೆಯಾಗಿದೆ. ಇಲ್ಲಿ ರೂಪು ತಾಳಿದ ಹಲವಾರು ವ್ಯಕ್ತಿಚಿತ್ರಗಳು ಕೃಷ್ಣಶಾಸ್ತ್ರಿಗಳ ಸೂಕ್ಷ್ಮ ಅವಲೋಕನದ ಭಾಗವಾಗಿಯೇ ಮೈತಳೆದು ಬಂದಂಥವುಗಳಾಗಿವೆ. ಇವುಗಳು ಅರಿವಿನ ರೂಪಕಗಳಾಗಿ ಹೊಸ ಅನುಭವ ಸಾಧ್ಯತೆಯನ್ನು ಓದುಗರಲ್ಲಿ ಸೃಷ್ಟಿಸುತ್ತದೆ.  ಆದ್ದರಿಂದಲೇ ಗೋಕಾಕದ ಪಾರವ್ವ, ಕಾಳಿಂಗಕೃಷ್ಣ, ತೋಪಿನ ಹನುಮಣ್ಣ, ಮಹಮದ್ ಹಯಾತ್ ಸಾಬ್, ಗಾಂಧೀಜಿ, ಗುಜ್ಜಪ್ಪ, ಗಗ್ಗರಂಗಪ್ಪ ಮುಂತಾದ ವ್ಯಕ್ತಿತ್ವಗಳು ವಿಭಿನ್ನವಾಗಿ ಮರುಹುಟ್ಟು ಪಡೆದಂತಾಗಿದೆ.  ಓದುಗನ ಎದೆಯೊಳಗೆ ಹಗುರವಾಗಿ ಇಳಿಯುವ ಕೃಷ್ಣಶಾಸ್ತ್ರಿಗಳ ಮಾತು ಈ ಮಾತುಗಳು ಲೋಕಕಲ್ಯಾಣದ ಆಶಯವನ್ನು ಒಳಸೂತ್ರದಂತೆ ಮಿಡಿಯುತ್ತಿರುವುದು ಓದುಗನ ಒಳಗಣ್ಣಿಗೆ ಕಾಣಲೇಬೇಕು.

About the Author

ಬೆಳಗೆರೆ ಕೃಷ್ಣಶಾಸ್ತ್ರಿ
(22 May 1916 - 23 March 2013)

ಸರಳ ಹಾಗೂ ಸಾದಾ ವ್ಯಕ್ತಿತ್ವಕ್ಕೆ ಮತ್ತೊಂದು ಹೆಸರಾಗಿದ್ದವರು ಬೆಳಗೆರೆ ಕೃಷ್ಣಶಾಸ್ತ್ರಿಗಳು. ಸದಾ ತನ್ನ ಸುತ್ತಲಿನ ಪರಿಸರದ ಬಗ್ಗೆ ಅತೀವ ಕಾಳಜಿ ವಹಿಸುತ್ತಿದ್ದರು. ಅವರು ಬರೆದದ್ದು ಇರಬೇಕಾದ ಆದರ್ಶದ ಬದುಕನ್ನಲ್ಲ, ಬದುಕೇ ಆದರ್ಶವಾಗುವ ಬಗೆಯನ್ನು. ಅವರ ಬರಣಿಗೆಯಲ್ಲಿ ಸಂಕೇತಗಳು, ಪ್ರತಿಮೆಗಳಾಗಿ, ಪ್ರತಿಮೆಗಳು ಸಂಕೇತಗಳಾಗಿ, ಕೆಲವೊಮ್ಮೆ ಎರಡನ್ನೂ ಮೀರಿದ ಶಕ್ತಿಯಾಗುವುದನ್ನು ಜೀವಾಕ್ಷರವಾಗುವುದನ್ನು ಕಾಣುತ್ತೇವೆ.  ಗಾಂಧೀ, ವಿನೋಬಾ, ರಮಣ ಮಹರ್ಷಿ, ಪರಮಹಂಸ, ಜೆ.ಕೆ.ಮುಂತಾದವರಿಂದ ಪ್ರಭಾವಿತರಾಗಿದ್ದ ಕೃಷ್ಣಶಾಸ್ತ್ರಿಗಳು ಚಿತ್ರದುರ್ಗ ಜಿಲ್ಲೆ ಚಳ್ಳಕೆರೆ ತಾಲೂಕಿನ ಹಳ್ಳಿಯೊಂದರಲ್ಲಿ ತಮ್ಮಷ್ಟಕ್ಕೆ ತಾವೇ ಸಮಾಜಸೇವೆ ಮಾಡಿಕೊಂಡಿದ್ದರು.  ಯೇಗ್ದಾಗೆಲ್ಲಾ ಐತೆ(ಶ್ರೀ ಮುಕುಂದೂರು ಸ್ವಾಮಿಗಳನ್ನು ಕುರಿತ ನೆನಪು), ತುಂಬಿ (ಕವನ ಸಂಕಲನ), ...

READ MORE

Conversation

Related Books