‘ಅಂಬಿಗ ನಿನ್ನ ನಂಬಿದೆ’ ಲೇಖಕ ಡಾ.ಬಸವರಾಜ ಸಬರದ ಅವರು ಅಂಬಿಗರ ಚೌಡಯ್ಯನ ಕುರಿತು ರಚಿಸಿರುವ ನಾಟಕ. ಈ ನಾಟಕಕ್ಕೆ ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮಿಗಳ ಮುನ್ನುಡಿ ಬರಹವಿದೆ. ಕೃತಿಯ ಕುರಿತು ಬರೆಯುತ್ತಾ ನಟ, ನಿರ್ದೇಶಕ, ನಾಟಕಕಾರರೂ ಆಗಿರುವ ಸಬರದ ಅವರಿಂದ ಮೂಡಿಬಂದಿರುವ ಹೊಸ ನಾಟಕ ಅಂಬಿಗ ನಿನ್ನ ನಂಬಿದೆ ಅಧ್ಯಯನ-ಅಧ್ಯಾಪನ-ಬರವಣಿಗೆಗಳಿಂದ ಸಬರದ ಅವರ ಮನಸ್ಸು ಮಾಗಿದೆ, ಮಾಗಿದ ಮನಸ್ಸು ಸಂಘರ್ಷ ಬಯಸುವುದಿಲ್ಲ ಎನ್ನುವುದು ಈ ನಾಟಕದಲ್ಲಿ ಕಾಣುವುದು. ಪುರುವಂತಿಕೆಯ ಮೂಲಕ ಚೌಡಯ್ಯನವರ ವಿಚಾರಗಳನ್ನು ಪ್ರತಿಪಾದಿಸುವ ದೃಶ್ಯ ಆರಂಭದಲ್ಲೇ ಬಂದು ನಾಟಕಕ್ಕೆ ಜಂಗಮತ್ವ ತಂದುಕೊಟ್ಟಿದೆ. ಅನುಭಾವದಿಂದ ಮುಕ್ತಾಯಗೊಂಡು ಚೌಡಯ್ಯನವರ ಬದುಕನ್ನು ಅನಾವರಣಗೊಳಿಸಿದೆ. ಈ ಮಧ್ಯೆ ಅನೇಕ ಸರಸಮಯ ಘಟನೆಗಳನ್ನು ನೇಯ್ದಿದ್ದಾರೆ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.
ಬಸವರಾಜ ಸಬರದ ಅವರು ಮೂಲತಃ ಕೊಪ್ಪಳ ಜಿಲ್ಲೆ ಯಲಬುರ್ಗ ತಾಲ್ಲೂಕಿನ ಕುಕನೂರಿನವರು. ಹುಟ್ಟಿದ್ದು 1954 ಜೂನ್‌ 20ರಂದು. ತಾಯಿ ಬಸಮ್ಮ, ತಂದೆ ಬಸಪ್ಪ ಸಬರದ. ಹುಟ್ಟೂರು ಕುಕನೂರಿನಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪಡೆದ ಇವರು ಕರ್ನಾಟಕ ವಿಶ್ವವಿದ್ಯಾಲಯದಿಂದ ಕನ್ನಡ ಭಾಷೆಯಲ್ಲಿ ಸ್ನಾತಕೋತ್ತರ ಪದವಿ ಹಾಗೂ ಪಿಎಚ್‌ಡಿ ಪದವಿ ಪಡೆದರು. ಉಪನ್ಯಾಸಕರಾಗಿ ವೃತ್ತಿ ಆರಂಭಿಸಿದ ಇವರು ಹಲವಾರು ಕಾಲೇಜುಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ. ಶೈಕ್ಷಣಿಕವಾಗಿ ಮಾತ್ರವಲ್ಲದೇ ದೇವದಾಸಿ ವಿಮೋಚನಾ ಹೋರಾಟ, ಅಂತರ್ಜಾತಿ ವಿವಾಹಗಳಿಗೆ ಪ್ರೋತ್ಸಾಹ, ಅಸ್ಪೃಶ್ಯತಾ ನಿವಾರಣೆ, ದಲಿತ-ಬಂಡಾಯ ಚಳವಳಿ ಮುಂತಾದ ಸಾಮಾಜಿಕ ಹೋರಾಟಗಳಲ್ಲಿಯೂ ತೊಡಗಿಸಿಕೊಂಡಿದ್ದಾರೆ. ನನ್ನವರ ಹಾಡು, ಹೋರಾಟ, ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
1.jpg)
.jpg)
.jpg)
.jpg)
.jpg)
.jpg)
.jpg)
.jpg)
