‘ಕುಚೋದ್ಯದದ ಕಥೆಗಳು’ ಲೇಖಕ ಶ್ರೀನಿವಾಸ ಹಾವನೂರರ ಸಣ್ಣಕಥೆಗಳ ಸಂಕಲನ. ಈ ಕೃತಿಗೆ ನಾಗೇಶ ಹಾವನೂರರ ಮುನ್ನುಡಿ ಬರಹವಿದೆ. ಕೃತಿಯ ಕುರಿತು ತಿಳಿಸುತ್ತಾ ಪ್ರಸ್ತುತ ಸಂಕಲನದಲ್ಲಿ ಏಳು ಕಥೆಗಳನ್ನು ನೋಡಬಹುದಾಗಿದೆ. ಇವುಗಳ ಮೂಲ ವಿದೇಶಿಯಾದರೂ ನಿರೂಪಣೆ ಅಪ್ಪಟ ಸ್ವದೇಶಿಯಾಗಿದೆ. ಲೇಖಕರೇ ಉಲ್ಲೇಖಿಸಿರದಿದ್ದಲ್ಲಿ ಇವು ರೂಪಾಂತರದ ಕತೆಗಳೆಂದು ಅನಿಸುವ ಹಾಗೆಯೇ ಇಲ್ಲ ಎಂದಿದ್ದಾರೆ ನಾಗೇಶ ಹಾವನೂರ. ಜೊತೆಗೆ ಇಲ್ಲಿಯ ಕತೆಗಳಲ್ಲಿ ಕಾಣುವ ಸಮಾನ ಗುಣಧರ್ಮವೆಂದರೆ ಅವುಗಳಲ್ಲಿಯ ವ್ಯಂಗ್ಯ ಅಥವಾ ಕುಚೋದ್ಯ. ಇದು ಆಯಾ ಪಾತ್ರದ ಸ್ವಭಾವದಿಂದಲೋ ಮೂಡಿ ಬಂದುದು. ಮನಸ್ಸೆಂಬುದೇ ಮಾಯೆ. ಅದನ್ನು ಬಲ್ಲವರಾರು? ಹಾಗೆಯೇ ವಿಧಿಯೆಂಬುದೂ ಮಾಯೆ. ಅದನ್ನು ಕಂಡವರಾರು, ಅಂತೂ ಇವೆರಡರ ವ್ಯಂಗ್ಯ ನಾಟಕವನ್ನು ಈ ಕೃತಿಯಲ್ಲಿ ನೋಡಬಹುದು ಎಂದಿದ್ದಾರೆ. ಇಲ್ಲಿ ಪ್ರತಿಬಿಂಬ, ಆತ್ಮನಸ್ತು ಕಾಮಾಯ, ಪ್ರತಿಭಾಶಾಲಿ, ನಿಃಸಂತಾನ, ಇರುವೆ ಮತ್ತು ಚಿಟ್ಟೆ, ಜೊತೆಗಾರ್ತಿ, ವಿಷಾರಿ, ತನಿಖೆಯ ನಾಯಿ ಹಾಗೂ ಕಾಮದಹನ ಕತೆಗಳು ಸಂಕಲನಗೊಂಡಿವೆ.
ಕನ್ನಡ ಸಾಹಿತ್ಯಸಂಶೋಧನೆ ಮಾಡಲು ಮೊತ್ತಮೊದಲು ಕಂಪ್ಯೂಟರ್‌ ಬಳಸಿದವರು ಡಾ. ಶ್ರೀನಿವಾಸ ಹಾವನೂರರು (1928-2010). ಕನ್ನಡ ಸಾಹಿತ್ಯಕ್ಕೆ ಅವರ ಕೊಡುಗೆ ಅಪಾರವಾದುದು, ವೈವಿಧ್ಯಮಯವಾದುದು. ಸಣ್ಣ ಕಥೆ, ಲಲಿತ ಪ್ರಬಂಧ, ಜೀವನ ಚರಿತ್ರೆ, ಸಾಹಿತ್ಯ, ಸಂಸ್ಕೃತಿ, ಇತಿಹಾಸ ವಿಮರ್ಶೆ ಮೊದಲಾದ ಪ್ರಕಾರಗಳಲ್ಲಿ 60ಕ್ಕೂ ಮಿಕ್ಕಿ ಕೃತಿಗಳನ್ನು ಹೊರತಂದರು. ವಿದೇಶದಲ್ಲಿದ್ದ ಕನ್ನಡ ಸಾಹಿತ್ಯವನ್ನು ಮರಳಿ ತಾಯ್ನಾಡಿಗೆ ಕರೆತಂದರು. ಹೊಸಗನ್ನಡ ಅರುಣೋದಯದ ಸಾಹಿತ್ಯವನ್ನು ಮತ್ತೆ ತೆರೆದು ತೋರಿಸಿದರು, ಹಿಂದೆ ಮುಂಬಯಿಯ ಟಾಟಾ ಮೂಲಭೂತ ವಿಜ್ಞಾನ ಸಂಸ್ಥೆಯ ಗ್ರಂಥಪಾಲಕರಾಗಿದ್ದರು. ಮುಂದೆ ಮಂಗಳೂರು ಮತ್ತು ಮುಂಬಯಿ ವಿ.ವಿ.ಯ ಕನ್ನಡ ಅಧ್ಯಯನ ಸಂಸ್ಥೆಯ ಮುಖ್ಯಸ್ಥರಾದರು. ಆಮೇಲೆ ಪುಣೆಯಲ್ಲಿ ಮರಾಠಿ ಕನ್ನಡ ಸ್ನೇಹ ಸಂವರ್ಧನೆಯಲ್ಲಿ ಪಾತ್ರವಹಿಸಿದರು.. ಕೊನೆಗೆ ಕರ್ನಾಟಕ ಸರಕಾರದ ಸಮಗ್ರ ದಾಸ ಸಾಹಿತ್ಯ ಸಂಪಾದಕರಾಗಿ ೫೦ ಸಂಪುಟಗಳ ಪ್ರಕಟಣೆಯ ನೇತೃತ್ವ ವಹಿಸಿದರು. ಕನ್ನಡದ ನಾಡೋಜರೆಂದು ಹೆಸರಾದರು. ...
READ MORE
Concept & Creation 
©2024 Book Brahma Private Limited.
.jpg)
.jpg)
.jpg)
.jpg)
.jpg)
