ನೆನಪು

Author : ಸ್ಟ್ಯಾನಿ ಲೋಪಿಸ್, ಕಾರ್ಗಲ್

Pages 128

₹ 140.00




Year of Publication: 2023
Published by: ಅವನಿ ಪ್ರಕಾಶನ
Address: ಎಂ.ಜಿ ರೋಡ್‌, ಮೈಸೂರು

Synopsys

`ನೆನಪು’ ಸ್ಟ್ಯಾನಿ ಲೋಪಿಸ್‌, ಕಾರ್ಗಲ್‌ ಅವರ ಕಥಾಸಂಕಲನವಾಗಿದೆ. ಈ ಸಂಕಲನದಲ್ಲಿ ಇರುವ 25 ಸಣ್ಣ ಕಥೆಗಳಲ್ಲಿ ಒಂದೊಂದು ಕಥೆಯು ನೆನಪಿನ ಗಣಿಗಳನ್ನ ತೆರೆಯುತ್ತ ಹೋಗುತ್ತದೆ. ಶಾಲಾ ವಾರ್ಷಿಕೋತ್ಸವದ ದಿನ ವಿದ್ಯಾರ್ಥಿಯೋರ್ವ ಆಕಸ್ಮಿಕವಾಗಿ ತನ್ನ ಉಪಾಧ್ಯಾಯರ ಮೈಮೇಲೆ ಪಾನೀಯ ಚೆಲ್ಲಿ ತಾನು ಹಿಂದೊಮ್ಮೆ ಮಾಡಿದ ತಪ್ಪಿಗಾಗಿ ಪರಿತಪಿಸುವುದು, ಹಳೆಯ ಟಿಕೇಟೊಂದನ್ನ ಹರಿದು ಮನದ ಆತಂಕ ದೂರ ಮಾಡಿದ ಹುಡುಗನೊಬ್ಬನ ಕತೆ, ಪುನರುತ್ಥಾನದ ಕತೆ ಕೇಳಲೆಂದು ತನ್ನ ಸ್ನೇಹಿತನ ಮನೆಗೆ ಬಂದ ಓರ್ವ ಯುವಕ ಆ ಮನೆಯಲ್ಲಿ ಬೈಬಲ್, ರಾಮಾಯಣ, ಭಾರತ, ಕುರಾನ್ ಇತ್ಯಾದಿ ನೋಡಿ ಅಚ್ಚರಿ ಪಡುವುದು, ನುಡಿದಂತೆ ನಡೆದ ಓರ್ವ ಹಿರಿಯನ ಕತೆ, ಕಾಗದದ ಮೇಲೆ ಕವಿತೆ ಬರೆಯಬೇಕೆಂಬ ಆಸೆ ಹೊತ್ತ ಓರ್ವ ಬಾಲಕಿ ಕೆಂಪು ಕಾಗದದ ಮೇಲೆ ಕವಿತೆಯಾಗುವ ದುರಂತ, ಓರ್ವ ಹುಡುಗಿ ಜನ ಮೆಚ್ಚಲೆಂದು ಬರವಣಿಗೆಯನ್ನ ಮುಂದುವರಿಸಿದ್ದು , ಮನುಷ್ಯ ದೇಹ ದ್ವೇಷ , ಅಸೂಯೆ , ಸಿಟ್ಟುಗಳ ಕಸದ ಗಾಡಿ ಆಗಬಾರದು ಎಂಬ ಎಚ್ಚರಿಕೆ, ಕಾಣದ ಕೈಯೆಂದು ತಬ್ಬಲಿ ಹುಡುಗಿಗೆ ಕೈ ಯಾದದ್ದು, ಸೌದೆ ತರಲೆಂದು ಕಾಡಿನ ಹೊಳ ಹೊಕ್ಕವರು , ಮಣ್ಣಿನ ಉಂಡೆಗಳನ್ನು ಕಾಡಿನಲ್ಲಿ ಬೀರಿ ಕಾಡನ್ನ ಕಾಪಾಡುವುದು, ಹೀಗೆ ಈ ಇಪ್ಪತ್ತೈದು ಕಥೆಗಳು ಅಪರೂಪದ ಕೆಲ ವಸ್ತುಗಳನ್ನ ಹೆಕ್ಕಿಕೊಂಡು ನಮ್ಮ ಬದುಕಿಗೆ ಬೇಕಾದ ಮೂಲ ದ್ರವ್ಯವನ್ನು ನೀಡುತ್ತದೆ.

About the Author

ಸ್ಟ್ಯಾನಿ ಲೋಪಿಸ್, ಕಾರ್ಗಲ್
(11 January 1990)

ಸ್ಟ್ಯಾನಿ ಲೋಪಿಸ್ ಕಾರ್ಗಲ್- ಶಿವಮೊಗ್ಗ ಜಿಲ್ಲೆ ಸಾಗರ ತಾಲೂಕಿನ ಕಾರ್ಗಲ್ ನಲ್ಲಿ 11-01-1990ರಲ್ಲಿ ಜನಿಸಿದರು. ತಂದೆ ಜೋಸೆಫ್ ಲೋಪಿಸ್, ತಾಯಿ ಸೌರೀನ್ ಲೋಪಿಸ್. ಪ್ರಾರ್ಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಕಾರ್ಗಲ್ ನಲ್ಲಿ, ಪದವಿ ಶಿಕ್ಷಣವನ್ನು ಸಾಗರದಲ್ಲಿ ಪೂರೈಸಿದರು. ಎಂ.ಎ ಹಾಗೂ ಬಿಇಡಿ ಪದವೀಧರರು. ಸಾಗರದ ಸಂತ ಜೋಸೆಫರ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಕನ್ನಡ ಶಿಕ್ಷಕರಾಗಿದ್ದಾರೆ.  ರಾಜ್ಯ ಮಟ್ಟದ ಯುವಜನ ಮೇಳ ಏಕಪಾತ್ರಾಭಿನಯದಲ್ಲಿ ಪ್ರಥಮಸ್ಥಾನ ಪಡೆದಿರುತ್ತಾರೆ. ಹಲವು ಕಥೆ,ಕವನ, ನಾಟಕಗಳನ್ನು ಬರೆದಿದ್ದಾರೆ. ಅನೇಕ ಕಥೆಗಳು ಭದ್ರಾವತಿ  ಆಕಾಶವಾಣಿಯಿಂದ ಪ್ರಸಾರವಾಗಿದೆ.'ಮನದ ಕೂಗು' ಕವನ ಸಂಕಲನ , 'ದುಡುಕಿದ ಜೀವ' ಕಥಾಸಂಕಲನ. 'ಹಾಡು-ಪಾಡು' ಸಾಮಾಜಿಕ ಭಾವಗೀತೆಗಳ ಧ್ವನಿಸುರುಳಿಯೂ ಬಿಡುಗಡೆಯಾಗಿದೆ. ' ...

READ MORE

Related Books