ಬಹುತೇಕ ಕತೆಗಳು ಈ ಮೊದಲೇ ವಿವಿಧ ಪತ್ರಿಕೆಗಳಲ್ಲಿ ಪ್ರಕಟವಾಗಿದ್ದವು. ಲೇಖಕರ ಸುತ್ತಲಿನ ಪರಿಸರ, ಜೀವನದ ಗಾಢ ಅನುಭವದ ನೆರಳು ಇರುವಂತೆ ಹೂವಿನಹಳ್ಳಿ ನಾಗರಾಜ ಅವರ 20 ಕತೆಗಳಲ್ಲಿಇದೆ. ಹಳ್ಳಿಗಳಲ್ಲಿನ ಅಸ್ಪೃಶ್ಯತೆ ಜಾತಿ, ಮೇಲು-ಕೀಳು, ದೇವರು, ಧರ್ಮದ ಹೆಸರಿನಲ್ಲಿ ನಡೆಯುವ ಶೋಷಣೆ, ದಲಿತರಲ್ಲಿರುವ ಮೌಢ್ಯವನ್ನು ಅವರು ಅತ್ಯಂತ ಸೂಕ್ಷ್ಮವಾಗಿ ಇಲ್ಲಿನ ಕತೆಗಳಲ್ಲಿ ಚಿತ್ರಿಸಿದ್ದಾರೆ. ಕತೆ ನಿರೂಪಣೆ ಶೈಲಿ ಸೊಗಸಾಗಿದೆ. ಎಲ್ಲ ಕತೆಗಳು ಸರಳವಾಗಿ ಓದಿಸಿಕೊಂಡು ಹೋಗುತ್ತವೆ. ಎಲ್ಲಿಯೂ ಗೊಂದಲ-ಗೋಜಲುಗಳಿಗೆ ಆಸ್ಪದವಿಲ್ಲದೆಯೇ ಎಲ್ಲ ಕತೆಗಳು ವಿಸ್ತಾರಗೊಳ್ಳುತ್ತ ಸಾಗುತ್ತವೆ.
ವಿವಾಹದ ಚೌಕಟ್ಟಿನಲ್ಲಿ ಗಂಡು-ಹೆಣ್ಣಿನ ಸಂಬಂಧದ ವಾಸ್ತವ, ಪ್ರಣಯ, ಕಾಮ, ಮನುಷ್ಯನ ದ್ವೇಷ, ಅಸೂಯೆ, ಮಾನವೀಯತೆ, ಹೃದಯವಂತಿಕೆ, ಜಾಗತೀಕರಣದ ತಲ್ಲಣಗಳು, ಜಾತಿ- ವರ್ಗ ಸಂಘರ್ಷ ಹೀಗೆ ವಸ್ತುಗಳು ಈ ಕಾದಂಬರಿ ಯಲ್ಲಿ ಹುರಿಗೊಂಡಿವೆ. ಜ್ವಾಲೆ, ನಿವೇದಿತಾ, ಬಲಿ, ಅನ್ನ, ಹಲಿಗೆ ದ್ಯಾವಪ್ಪ ಒಂಟೆ ಬಸಪ್ಪ, ಒಂದು ನೈಜ ಪ್ರೇಮಕಥೆ, ಒಡಲಾಳ, ನಂಟು ಮುಂತಾದ ಕಥೆಗಳು ವಸ್ತುವಿನ ದೃಷ್ಟಿಯಿಂದ ಉತ್ತಮ ಕಥೆಗಳಾಗಿವೆ. ಜ್ವಾಲೆ ಕಥೆಯಲ್ಲಿ, ಹೆಣ್ಣು ಗಂಡಿನ ಪ್ರಣಯ. ದುರಂತದಲ್ಲಿ ಪರ್ಯಾವಸನ ಗೊಳ್ಳುವ ಪರಿ, ಉಳ್ಳವರು ದುರ್ಬಲರ ಮೇಲೆ ದೌರ್ಜನ್ಯವೆಸಗುವ, ಅವರ ದೌರ್ಜನ್ಯಕ್ಕೆ ಸಿಲುಕಿ ನರಳುವ ದಾರುಣತೆಯನ್ನು ಕಾಣುತ್ತೇವೆ. ಬಲಿ ಕಥೆಯು ಮಲ್ಲವ್ವ ಕರುಳಕುಡಿ ಸಿದ್ದನ ಅನಾರೋಗ್ಯಕ್ಕೆ ದೈವದ ಮುನಿಸು ಕಾರಣವೆಂದು ತಿಳಿದು ದೇವರಿಗೆ ಕುರಿಬಲಿ ಹರಕೆ ಸಮರ್ಪಿಸಿದರೂ ಮಗನನ್ನು ಉಳಿಸಿಕೊಳ್ಳಲಾಗದ ದುರಂತವನ್ನು ತೆರೆದಿಡುತ್ತದೆ ಹೀಗೆ ಪ್ರತಿ ಕಥೆಯು ಪರಿಣಾಮಕಾರಿಯಾದ ವಸ್ತು ಹೊಂದಿದ್ದು, ನಿರೂಪಣಾ ಶೈಲಿಯು ತುಂಬಾ ಆತ್ಮೀಯವಾಗಿದೆ.
ಹೂವಿನಹಳ್ಳಿ ನಾಗರಾಜ ಅವರು ಕಲಬುರಗಿ ಜಿಲ್ಲೆಯ ಅಫಜಲಪುರ ತಾಲ್ಲೂಕಿನ ಹೂವಿನಹಳ್ಳಿ ಗ್ರಾಮದಲ್ಲಿದಲ್ಲಿ ಜನಿಸಿದರು. ತಮ್ಮ ಪ್ರಾಥಮಿಕ ಶಿಕ್ಷಣವನ್ನು ಸ್ವಗ್ರಾಮದಲ್ಲಿ, ಪ್ರೌಢ ಶಾಲಾ ಶಿಕ್ಷಣವನ್ನು ಬಂದರವಾಡ ಗ್ರಾಮದಲ್ಲಿ, ಪಿಯುಸಿ ಶಿಕ್ಷಣವನ್ನು ಕಲಬುರಗಿಯಲ್ಲಿ ಪೂರೈಸಿ ಮೈಸೂರು ಮುಕ್ಕ ವಿಶ್ವವಿದ್ಯಾಲಯದಲ್ಲಿ ಪತ್ರಿಕೋದ್ಯಮದಲ್ಲಿ ಡಿಪ್ಲೋಮಾ ಪದವಿ ಪಡೆದು ಪತ್ರಕರ್ತರಾಗಿ ವೃತ್ತಿ ಜೀವನ ಆರಂಭಿಸಿದರು. ಹಲಿಗೆ ದ್ಯಾವಪ್ಪ ಮತ್ತು ಇತರ ಕಥೆಗಳು’ ‘ಬಿರುಕು’ಎಂಬ ಎರಡು ಕಥಾಸಂಕಲನಗಳನ್ನು ಹೊರತಂದಿದ್ದಾರೆ. ಕರ್ನಾಟಕ ಸಂಧ್ಯಾಕಾಲ ಹಾಗೂ ಸಂಜೆವಾಣಿ ಸಂಜೆ ದಿನಪತ್ರಿಕೆಗಳಲ್ಲಿ ಮೂರು ವರ್ಷ ಸೇವೆ ಸಲ್ಲಿಸಿದ್ದಾರೆ. ಸುಧಾ, ಕರ್ಮವೀರ, ಅಗ್ನಿ, ಸುದ್ದಿಮೂಲ, ಜನವಾಣಿ, ಸಂಜೆವಾಣಿ ಸೇರಿದಂತೆ ನಾಡಿನ ಅನೇಕ ಪತ್ರಿಕೆಗಳಲ್ಲಿ ಅವರ ಕಥೆ, ಕವಿತೆ ...
READ MORE
Concept & Creation 
©2022 Book Brahma Private Limited.
.jpg)
.jpg)
.jpg)
.jpg)
.jpg)
