ಕೃತಿಕರ್ಷ

Author : ಅಜಿತ್ ಹೆಗಡೆ ಹರೀಶಿ

Pages 236

₹ 240.00




Year of Publication: 2021
Published by: ಗೌತಮ್ ಪ್ರಕಾಶನ
Address: 2349/17, 11 ನೇ ಅಡ್ಡ ರಸ್ತೆ, ಬಸವೇಶ್ವರ ರಸ್ತೆ, ಕೆ.ಆರ್‍. ಮೊಹಲ್ಲಾ, ಮೈಸೂರು-570004
Phone: 9342462146

Synopsys

ಕೃತಿಕರ್ಷ ಕೃತಿಯು ಡಾ. ಅಜಿತ್ ಹರೀಶಿ ಅವರ ಕಾದಂಬರಿ. ಕೃತಿಗೆ ಬೆನ್ನುಡಿ ಬರೆದ ಸಾಹಿತಿ ಅಶೋಕ ಹಾಸ್ಯಗಾರ ‘ಕೃತಿಯ ವಸ್ತು ಇಂದಿನ ಕಾಲಘಟ್ಟಕ್ಕೆ ಅಗತ್ಯವಾದ ಸಾಹಿತ್ಯವಾಗಿದೆ. ಅಜಿತ್‌ ಅವರು ಇತ್ತೀಚೆಗೆ ಸಾಹಿತ್ಯ ಲೋಕದಲ್ಲಿ ಸಂಚಲನವನ್ನು ಉಂಟು ಮಾಡಿದ ಸಾಹಿತಿ. ಪರಿಸರ ತಜ್ಞ ಶಿವಾನಂದ ಕಳವೆಯವರ 'ಮಧ್ಯಘಟ್ಟ' ಕಾದಂಬರಿಯಿಂದ ಹಿಡಿದು ನಾಡಿನಲ್ಲಿ ಪ್ರಕಟಗೊಂಡ ಅನೇಕ ಉತ್ತಮ ಕತೆ, ಕಾದಂಬರಿ, ಕವನ ಸಂಕಲನ (ಆರ್. ದಿಲೀಪ್ ಕುಮಾರ್‌ರ 'ಹಾರುವ ಹಂಸೆ' ಕವನ ಸಂಕಲನ)ಗಳ ಒಂದು ಸ್ಥೂಲವಾದ ನೋಟ ಕೃತಿಕರ್ಷದ ಬರಹಗಳಿಂದ ಸಾಧ್ಯವಾಗುತ್ತದೆ. ಈ ಕೃತಿಗೆ ವಿವಿಧ ಪ್ರಶಸ್ತಿಗಳು ಲಭ್ಯವಾಗಿರುತ್ತದೆ. ಕವಿ, ಕತೆಗಾರನಾದವನ ಓದು ಸಾಮಾನ್ಯ ಓದುಗನ ದೃಷ್ಟಿಕೋನದಂತಿರುವುದಿಲ್ಲ. ಸಾಮಾನ್ಯ ಓದುಗನು ವ್ಯಕ್ತಪಡಿಸುವ ಅಭಿವ್ಯಕ್ತಿ, ಅಭಿಪ್ರಾಯಗಳಿಗಿಂತ ಭಿನ್ನವಿರುತ್ತವೆ. ವಿಭಿನ್ನವಾಗಿರಬೇಕೆಂದು ಸೃಜನಶೀಲ ಲೋಕವೂ ಅಪೇಕ್ಷೆ ಪಡುತ್ತದೆ. ಡಾ. ಅಜಿತ್‌ ಅವರಿಗೆ ಓದು ಆದಿ, ಅಂತ್ಯವಿಲ್ಲದ, ಅಗಾಧ ಸುಖವನ್ನು ನೀಡುವ ಕಾಯಕ. ಅದು ಧ್ಯಾನಾವಸ್ಥೆಯ ಆನಂದವನ್ನೂ ಕೊಡುವ ಮಾಧ್ಯಮ. ಆದ್ದರಿಂದ, ಅವರಿಗೆ ಓದು ಅನಿವಾರ್ಯ. 'ಜಗತ್ತಿನ ಅಸಂಖ್ಯಾತ ಭಾಷೆಗಳ ಅಗಣಿತ ಕೃತಿಗಳ ಸಾಹಿತ್ಯವೆಂಬ ಅಗಾಧ ಸಮುದ್ರದಲ್ಲಿ ಇದುವರೆಗೆ ನಾನು ಮೊಗೆದು ತುಂಬಿಸಿಕೊಂಡಿದ್ದು ಬೊಗಸೆ ನೀರಷ್ಟೇ' ಎಂಬ ವಿನಯದಿಂದ ಈ 'ಕೃತಿಕರ್ಷ'ವಾಗಿ ನಮ್ಮ ಕೈಗಿತ್ತಿದ್ದಾರೆ. ಇದು ಓದಿನ ಟಿಪ್ಪಣಿ ಮಾತ್ರ ಎಂದಿರುವುದರಿಂದ ನಮ್ಮ ಓದು ಕೂಡ ವಿಮರ್ಶಾತ್ಮಕವಾಗಿರಬೇಕಿಲ್ಲ. ಇಂಥ ಟಿಪ್ಪಣಿಗಳು ಒಮ್ಮೊಮ್ಮೆ ಅಮೂಲ್ಯ ವಿಚಾರಧಾರೆಗಳನ್ನು, ಒಳನೋಟಗಳನ್ನು ನೀಡುವುದರಿಂದ ಲಘುವಾಗಿ ಪರಿಗಣಿಸಲಾಗದು. ಡಾ. ಅಜಿತ್ ಅವರ 'ಕೃತಿಕರ್ಷ' ಇಂದಿನ ಕಾಲಘಟ್ಟಕ್ಕೆ ಅಗತ್ಯವಾದ ಸಾಹಿತ್ಯ ಪರಿಕರಗಳನ್ನು ನೀಡಿದೆ’ ಎಂದು ಅಭಿಪ್ರಾಯ ಪಟ್ಟಿದ್ದಾರೆ. 

About the Author

ಅಜಿತ್ ಹೆಗಡೆ ಹರೀಶಿ
(24 August 1978)

ಸೊರಬ ತಾಲೂಕಿನವರಾದ ಅಜಿತ್ ಹೆಗಡೆ ಅವರು ಹುಬ್ಬಳ್ಳಿಯ ಆಯುರ್ವೇದ ಮಹಾವಿದ್ಯಾಲಯದಿಂದ ಬಿಎಎಂಎಸ್ ಪದವಿ ಪಡೆದಿರುವ ಅವರು ರಾಜೀವಗಾಂಧಿ ಆರೋಗ್ಯ ವಿಶ್ವವಿದ್ಯಾಲಯದಿಂದ ಎಂ.ಡಿ. ಪಡೆದಿದ್ದಾರೆ. ವೈದ್ಯರಾಗಿ ಸೊರಬದಲ್ಲಿ ನೆಲೆಸಿದ್ದಾರೆ. ವೃತ್ತಿಯಿಂದ ವೈದ್ಯರಾಗಿರುವ ಅಜಿತ್ ಹೆಗಡೆ ಅವರು ಪ್ರವೃತ್ತಿಯಿಂದ ಬರಹಗಾರ. ಪರಿಧಾವಿ ಎಂಬ ಕಥಾಸಂಕಲನ ಪ್ರಕಟಿಸಿದ್ದಾರೆ. ಮತ್ತೊಂದು ಸಂಕಲನ ’ಕಾಮೋಲ’ ಅಚ್ಚಿಗೆ ಹೋಗಿದೆ.  ಬಿಳಿಮಲ್ಲಿಗೆಯ ಬಾವುಟ ಮತ್ತು ಸೂರು ಸೆರೆಹಿಡಿಯದ ಹನಿಗಳು ಅವರ ಪ್ರಕಟಿತ ಕವನ ಸಂಕಲನಗಳು. ವೈದ್ಯಕೀಯ ಲೇಖನಗಳ ಸಂಗ್ರಹ 'ಆರೋಗ್ಯದ ಅರಿವು' ಕೃತಿಯು ಕರಡು ತಿದ್ದುಪಡಿ ಹಂತದಲ್ಲಿದೆ. ನಾಡಿನ ಹಲವು ಪತ್ರಿಕೆಗಳಲ್ಲಿ ಕಥೆ, ಕವನ ಮತ್ತು ವೈದ್ಯಕೀಯ ಲೇಖನಗಳು ಪ್ರಕಟವಾಗಿವೆ. ಪ್ರತಿಲಿಪಿ ಕಥಾಸ್ಪರ್ಧೆಯಲ್ಲಿ ಅವರ ...

READ MORE

Related Books