ವೈಷ್ಣವ ಜನತೋ

Author : ಲೋಕೇಶ್ ಅಗಸನಕಟ್ಟೆ

Pages 420

₹ 365.00




Year of Publication: 2021
Published by: ಅಹರ್ನಿಶಿ ಪ್ರಕಾಶನ
Address: ಜ್ಞಾನವಿಹಾರ ಬಡಾವಣೆ, ಕಂಟ್ರಿ ಕ್ಲಬ್ ಎದುರು, ವಿದ್ಯಾನಗರ ಶಿವಮೊಗ್ಗ
Phone: 9742225779

Synopsys

‘ವೈಷ್ಣವ ಜನತೋ’ ಕೃತಿಯು ಲೋಕೇಶ ಅಗಸನಕಟ್ಟೆ ಅವರ ಕಾದಂಬರಿ. ಓದುವವರಿಗೆ ಈ ಕಾದಂಬರಿ ಕೆಲವು ಸವಾಲುಗಳನ್ನು ಒಡ್ಡುತ್ತದೆ. ಒಟ್ಟು ಕಥನದಲ್ಲಿ ಕೃಷಿ, ಪಶುಪಾಲನೆ ಉತ್ಪಾದನೆಯ ವ್ಯವಸ್ಥೆಯ ಮೇಲೆ ಬದುಕು ಕಟ್ಟಿಕೊಂಡಿದ್ದ ಹಳ್ಳಿಯೊಂದು ಗ್ರಾಮೋದ್ಯೋಗ, ಕಾರ್ಖಾನೆಗಳ ಪದರಕ್ಕೆ ಹೊರಳಿಕೊಳ್ಳುವಾಗ ಉಂಟಾಗುವ ಬಿಕ್ಕಟ್ಟುಗಳು ಕುಟುಂಬದ ಒಳಗೆ ಮತ್ತು ಸಾಮಾಜಿಕ ನೆಲೆಯಲ್ಲಿ ತಲೆದೋರತೊಡಗುವುದು; ಗಾಂಧಿ, ಅಂಬೇಡ್ಕರ್ ಅವರ ಚಿಂತನೆ, ಕಾರ್ಯಯೋಜನೆಗಳು ಅವುಗಳ ಒಳಗಿನ ವಿರೋಧಗಳ ಮೂಲಕ ಊರಿನಲ್ಲಿ ಬೂದಿ ಮುಚ್ಚಿದ ಕೆಂಡದಂತಿದ್ದ ವೈಷಮ್ಯಗಳು ಮೈಮುರಿದೇಳುವಂತಾಗುವುದು ವ್ಯಕ್ತಿಗತ ನಂಟುಗಳು ಸಾಮಾಜಿಕ ಚೌಕಟ್ಟಿನಲ್ಲಿ ನಿಯಂತ್ರಿತವಾಗುತ್ತ ಹೋಗುವುದು ಇದೆಲ್ಲವೂ ಈ ಕಾದಂಬರಿಯ ನೇಯ್ಗೆಯಲ್ಲಿ ಸೇರಿಕೊಂಡಿದೆ.

 

About the Author

ಲೋಕೇಶ್ ಅಗಸನಕಟ್ಟೆ
(07 August 1958)

ಡಾ. ಲೋಕೇಶ್ ಅಗಸನಕಟ್ಟೆ ಅವರು ಕವಿ-ಕತೆಗಾರರು. 1958ರ ಆಗಸ್ಟ್ 7ರಂದು ದಾವಣಗೆರೆ ತಾಲ್ಲೂಕು ಅಗಸನಕಟ್ಟೆ ಗ್ರಾಮದಲ್ಲಿ ಜನಿಸಿದರು. ಅಗಸನಕಟ್ಟೆಯ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಶಿಕ್ಷಣ, ಆನಗೋಡಿನ ಶ್ರೀ ಮರುಳಸಿದ್ಧೇಶ್ವರ ಪ್ರೌಢಶಾಲೆಯಲ್ಲಿ ಪ್ರೌಢ ಶಿಕ್ಷಣವನ್ನು, ಜಿ.ಚನ್ನಪ್ಪ ಜೂನಿಯರ್ ಕಾಲೇಜಿನಲ್ಲಿ ಪಿಯುಸಿ ಹಾಗೂ ಸಿರಿಗೆರೆಯ ಎಂ.ಬಿ.ಆರ್. ಕಾಲೇಜಿನಲ್ಲಿ ಪದವಿ ಮೈಸೂರಿನ ಕುವೆಂಪು ವಿವಿಯಲ್ಲಿ ಸ್ನಾತಕೋತ್ತರ ಪದವಿ ಪೂರೈಸಿ, ಪಿಹೆಚ್‍ಡಿ ಸಹ ಪಡೆದಿದ್ದಾರೆ.  1986 ರಿಂದ ಮುಂಜಾನೆ ಪತ್ರಿಕೆಯ ವರದಿಗಾರರಾಗಿ ವೃತ್ತಿ ಜೀವನ ಆರಂಭಿಸಿದ ಅಗಸನಕಟ್ಟೆ,  1984 ರಿಂದ 2017ರವರೆಗೆ ಸರ್ಕಾರಿ ಪದವಿ ಕಾಲೇಜಿನಲ್ಲಿ ಅಧ್ಯಾಪಕರಾಗಿ ಸೇವೆ ಸಲ್ಲಿಸಿದ್ದು, ಸಾಹಿತ್ಯಿಕ ಬರವಣಿಗೆ, ಅಂಕಣ ಬರಹ, ...

READ MORE

Related Books