ನೆತ್ತರಲಿ ನೆಂದ ಚಂದ್ರ

Author : ಎಂ.ಆರ್. ಕಮಲಾ

Pages 304

₹ 175.00




Year of Publication: 2016
Published by: ಕಥನ ಪ್ರಕಾಶನ
Address: #15 ಕಥನ, 7ನೆಯ ಬಿ ಅಡ್ಡರಸ್ತೆ, ಗಾರ್ಡನ್ ವಿಲ್ಲಾಸ್, ನಾಗರಬಾವಿ, ಬೆಂಗಳೂರು-560072
Phone: 080-23218118/ 9448334622

Synopsys

ಅರಬ್ ಮಹಿಳಾ ಲೋಕವನ್ನು ಅನಾವರಣ ಮಾಡುವ ಕವಿತೆಗಳನ್ನು ಹಿರಿಯ ಕವಯತ್ರಿ ಎಂ.ಆರ್. ಕಮಲ ಅವರು ಅನುವಾದ ಮಾಡಿದ್ದಾರೆ. 

ಮನೆಯ ಉಪ್ಪರಿಗೆಯಿಂದ ನಕ್ಷತ್ರಗಳನ್ನು ಹೂವುಗಳಂತೆ ಬಿಡಿಸಿಕೊಳ್ಳುವ, ಮರುಭೂಮಿಯೆಲ್ಲ ವ್ಯಾಪಿಸುವ ಚಂದ್ರನ ಬೆಳದಿಂಗಳಿನಲ್ಲಿ ಮೀಯುವ, ತಿಳಿಗೊಳಗಳಿಂದ ಅಮೃತವನ್ನು ಕುಡಿಯುವ, ಖರ್ಜೂರದ ಸಿಹಿಫಲಗಳಿಂದ ತುಳುಕುವ ಈ ಪ್ರದೇಶವನ್ನು ಸ್ವರ್ಗವೆಂದು ಕರೆಯಲಾಗುತ್ತಿತ್ತು.

ಆದರೆ ಇಂದು ಕಣ್ಣು ಬಿಡದ ಕೂಸುಗಳು ಕೂಡ ಹಿಂಸೆಯ ಕಾಡತೂಸುಗಳಿಗೆ ಬಲಿಯಾಗಿ ರಕ್ತಸಿಕ್ತವಾಗುತ್ತಿವೆ. ಅಸಾಯಕ ಸಾಮಾನ್ಯ ಮನುಷ್ಯರು ಯುದ್ಧಗಳ ಅಟ್ಟಹಾಸಗಳಲ್ಲಿ ಚಿಂದಿಗಿಂತಲೂ ಕಡಿಮೆ ಬೆಲೆಯನ್ನು ಪಡೆಉ ಕೇವಲ ಉಸಿರಾಡುವ ಜೀವಂತ ಚೀಲಗಳಾಗಿದ್ದಾರೆ. ಮನುಷ್ಯನ ಕ್ರೌರ್ಯ, ಅತಾರ್ಕಿಕ ನೀಚತನ, ಎಷ್ಟು ನೆತ್ತರು ಹರಿಸಿದರೂ ತೀರದ ದಾಹಗಳಿಂದ ಇಲ್ಲಿನ ನಕ್ಷತ್ರ ತಿಳಿಗೊಳಗಳು, ಮರುಭೂಮಿಯ ಚಂದ್ರ, ಸಿಹಿಫಲಗಳು ನೆತ್ತರಲಿ ಎಂದು ಬಣ್ಣ ಕಳೆದುಕೊಂಡಿದೆ. ಅರಬ್ ನಾಗರಿಕತೆಯನ್ನು ಬೆಳೆಸಿದ, ಆದರಿಂದ ಭರವಸೆಯೇ ಕಾಣದ ಅರಬ್‌ ಮಹಿಳೆಯರು ಹಂಚಿಕೊಂಡ ತಮ್ಮ ನೆಲದ ನೋವುಗಳನ್ನು ’ನೆತ್ತರಲಿ ನೆಂದ ಚಂದ್ರ’ ಸಂಕಲನದ ಮೂಲಕ ಕನ್ನಡದಲ್ಲಿ ಮೊದಲ ಬಾರಿಗೆ ಓದುವ ಅವಕಾಶ ದೊರಕುತ್ತಿದೆ.

ಈ ಸಂಕಲನದ ಕವಿತೆಗಳ ಅನುವಾದ ಕುರಿತು ಯುವಕವಿ ರಾಜೇಂದ್ರ ಪ್ರಸಾದ್ ಹೀಗೆ ಬರೆದಿದ್ದಾರೆ-

ಈ ಕವಿತೆಗಳ ಅನುವಾದದ ಆರಂಭದ ನಂತರದ ನಡುವಿನ ಆರೇಳು ವರ್ಷಗಳಲ್ಲಿ ಕಮಲಾ ಅವರು ಫ್ರೆಂಚ್ ಭಾಷೆಯನ್ನೂ ಕಲಿತಿದ್ದಾರೆ. ಇದರಿಂದ ಓದಿಗೆ ಮತ್ತೊಂದು ಮಧ್ಯವರ್ತಿ ಭಾಷೆಯನ್ನು ಅವಲಂಬನೆ ತಪ್ಪಿದೆ ಮತ್ತು ಕಾವ್ಯದ ಮೂಲ ದ್ರವ್ಯವನ್ನು ನೇರವಾಗಿ ಫ್ರೆಂಚ್ ನಿಂದ್ ಕನ್ನಡಕ್ಕೆ ತಂದು ನಮಗೆ ಉಣಬಡಿಸಲು ಸಾಧ್ಯವಾಗಿದೆ. ಹಾಗಾಗಿಯೇ ಇಲ್ಲಿನ ಕವಿತೆಗಳ ಯಾವ ತುದಿಯಲ್ಲಿಯೂ ಒಗ್ಗದ ಪದವಿಲ್ಲ, ಒಲಿಯದ ನುಡಿಯಿಲ್ಲ, ಅಗ್ಗದ ಸಾಲುಗಳು ಖಂಡಿತ ಲಭ್ಯವಿಲ್ಲ. ಕಾವ್ಯದ ಹರಿತ, ಮೊನಚು ಮತ್ತು ಲೋಕದೃಷ್ಟಿ ಭಾಷೆಯಿಂದ ಭಾಷೆಗೆ, ದೇಶದಿಂದ ದೇಶಕ್ಕೆ ಹೋದಂತೆಲ್ಲಾ ಸೂಕ್ಷ್ಮವಾಗಬೇಕು. ಅಂತಹ ಸೂಕ್ಷ್ಮತೆಯನ್ನು ಕಮಲಾ ಅವರ ಅನುವಾದದಲ್ಲಿ ಕಾಣಬಹುದಾಗಿದೆ.

About the Author

ಎಂ.ಆರ್. ಕಮಲಾ
(27 March 1959)

ಕವಿ-ಅನುವಾದಕಿಯಾಗಿ ಕನ್ನಡ ಸಾಹಿತ್ಯಲೋಕದಲ್ಲಿ ಚಿರಪರಿಚಿತ ಎಂ.ಆರ್. ಕಮಲಾ ಅವರು ಹಾಸನ ಜಿಲ್ಲೆಯ ಅರಸಿಕೆರೆ ತಾಲ್ಲೂಕಿನ ಮೇಟಿಕುರ್ಕೆಯವರು. 1959ರ ಮಾರ್ಚ್‌ 27ರಂದು ಜನಿಸಿದರು. ತಂದೆ ಎಂ.ಎಚ್. ರಾಮಸ್ವಾಮಿ, ತಾಯಿ ವಿಶಾಲಾಕ್ಷಿ. ಬೆಂಗಳೂರು ವಿಶ್ವವಿದ್ಯಾಲಯದಿಂದ ಎಂ.ಎ. ಮತ್ತು ಎಲ್.ಎಲ್.ಬಿ. ಪದವಿ, ಸ್ನಾತಕೋತ್ತರ ಪರೀಕ್ಷೆಯಲ್ಲಿ ಪಾಶ್ಚಿಮಾತ್ಯ ಸಾಹಿತ್ಯ ಅಧ್ಯಯನಕ್ಕಾಗಿ ಬಿಎಂಶ್ರೀ ಚಿನ್ನದ ಪದಕ ವಿಜೇತರು.  ಫ್ರೆಂಚ್ ಭಾಷೆಯಲ್ಲಿ ಪದವೀಧರರು. ಶಕುಂತಲೋಪಾಖ್ಯಾನ (1988), ಜಾಣೆ ಮತ್ತು ಇತರ ಕವಿತೆಗಳು (1992), ಹೂವು ಚೆಲ್ಲಿದ ಹಾದಿ (2007), ಮಾರಿಬಿಡಿ (2017) ಕವನ ಸಂಕಲನಗಳು. ಆಫ್ರಿಕನ್-ಅಮೆರಿಕನ್ ಮತ್ತು ಅರಬ್ ಮಹಿಳಾ ಕಾವ್ಯದಲ್ಲಿ ವಿಶೇಷ ಪರಿಣತಿ ಹೊಂದಿದ್ದಾರೆ. ’ಕತ್ತಲ ಹೂವಿನ ಹಾಡು (1989) ...

READ MORE

Related Books