ಮುತ್ತಿನ ಮಳೆ

Author : ಪರಿಮಳಾ ರಾವ್ ಜಿ.ಆರ್

Pages 128

₹ 80.00




Year of Publication: 2011
Published by: ಸಿವಿಜಿ ಇಂಡಿಯಾ
Address: ಕಸ್ತೂರ್ ಬಾ ಭವನ, ಗಾಂಧಿಭವನ ಆವರಣ, ಕುಮಾರಪಾರ್ಕ್ ಪೂರ್ವ, ಬೆಂಗಳೂರು-560001

Synopsis

‘ಮುತ್ತಿನ ಮಳೆ’ ಕೃತಿಯು ಜಿ. ಆರ್. ಪರಿಮಳಾರಾವ್ ಅವರ ಹನಿಗವನಗಳ ಸಂಕಲನವಾಗಿದೆ. ಕೃತಿಗೆ ಮುನ್ನುಡಿ ಬರೆದಿರುವ ಮಾರ್ಕಂಡಪುರಂ ಶ್ರೀನಿವಾಸ ಅವರು, ‘ಕವಿಯ ಮಹಾಕಾವ್ಯದ ಪರಿಕಲ್ಪನೆ ಎಷ್ಟೊಂದು ಸರಳ ಸುಂದರವಾಗಿ ’ಮಹಾಕಾವ್ಯ’ ಕವಿತೆಯಲ್ಲಿ ಚಿತ್ರಿತವಾಗಿದೆ. ‘ದೇಹ ಒಂದು ಕವಿತೆ; ಆತ್ಮ ಒಂದು ಕಾವ್ಯ; ಪರಮಾತ್ಮನೊಂದು ಮಹಾಕಾವ್ಯ’ ಇಲ್ಲಿ ದೇಹ-ಆತ್ಮ-ಪರಮಾತ್ಮಗಳ ಅನ್ಯೋನ್ಯ ಸಂಬಂಧಗಳ ಚಿತ್ರಣವೂ ಇಲ್ಲಿದೆ. ಇದೇ ಸಾಲಿನಲ್ಲಿ ಹೊರಟ ಕವಿ ‘ಅಂತರ’ ಕವಿತೆಯಲ್ಲಿ ‘ದೇಹ ಒಂದು ತುಂಡು ರೇಖೆ, ಆತ್ಮ ಒಂದು ಅನಂತ ರೇಖೆ’ ಎನ್ನುವಲ್ಲಿ ದೇಹದ ಪರಿಮಿತಿಯನ್ನು ಆತ್ಮದ ಅನಂತತೆಯನ್ನು ಚಿತ್ರಿಸಿದ್ದಾರೆ. ಎಲ್ಲೆಡೆ ಕಿರಿದರಲ್ಲಿ ಹಿರಿಯ ಅರ್ಥ ಹೇಳುವ ಪ್ರಯತ್ನ ಯಶಸ್ವಿಯಾಗಿದೆ. ‘ಕುರಿಗಳು’ ಕವಿತೆಯಲ್ಲಿ ಕುರಿಗಳನ್ನು ಮಾನವನ ಮನಸ್ಸು ಬುದ್ದಿಗಳಿಗೆ ಹೋಲಿಸಿ, ಅವುಗಳನ್ನು ಸರಿದಾರಿಯಲ್ಲಿ ನಡೆಸಲು ಮನುಷ್ಯ ವಿವೇಕದ ಕೋಲು ಆಧ್ಯಾತ್ಮದ ಕೋಲ್ಮಿಂಚು ಮಳೆ ಬರುವ ಮುನ್ನ ಮೂಡಿರಬೇಕು ಎಂಬ ವಿವೇಕದ ಎಚ್ಚರಿಕೆಯ ಮಾತು ಎಷ್ಟೊಂದು ಮಾರ್ಮಿಕವಾಗಿದೆ. ಇವರ ಸಾಮಾಜಿಕ ಕಾಳಜಿ ತಮ್ಮ ಕವಿತೆಗಳಲ್ಲಿ ಎಚ್ಚರಿಕೆಯ ಗಂಟೆ ಬಾರಿಸಿದೆ. ಇಂದಿನ ಸಾಮಾಜಿಕ ಬದುಕಿಗೆ ಇದು ತೀರಾ ಪ್ರಸ್ತುತವೂ ಆಗಿದೆ. ‘ರಸೀತಿ’ ಎಂಬ ಕವಿತೆಯಲ್ಲಿ ಅವರು ಅದನ್ನು ಸಮರ್ಥವಾಗಿ ಅಭಿವ್ಯಕ್ತ ಪಡಿಸಿದ್ದಾರೆ’ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. 

About the Author

ಪರಿಮಳಾ ರಾವ್ ಜಿ.ಆರ್
(06 January 1941)

ಹನಿಗವನಗಳ ರಚನೆಯಲ್ಲಿ ಆಸಕ್ತಿಯುಳ್ಳ ಪರಿಮಳಾರಾವ್ ಜಿ. ಆರ್. ತಮ್ಮ ದಿನನಿತ್ಯದ ಅನುಭವಗಳ ಮನಸ್ಸಿನ ಮಾತುಗಳನ್ನು ಹನಿಗವನಗಳಿಗೆ ಇಳಿಸುತ್ತಾರೆ. 1941 ಜನವರಿ 06 ರಂದು ಆಂಧ್ರ ಪ್ರದೇಶದ ಕರ್ನೂಲ್‌ನಲ್ಲಿ ಜನಿಸಿದರು. ’ಮಂದಾರ ಮಾಲಿನಿ’ ಅವರ ಕವನ ಸಂಕಲನ. ’ಬರ್ಥ್ ಆಫ್ ಹೋಪ್, ಅಲೆಯ ಆಲಾಪ, ಅಂತರಂಗಯಾನ, ಸ್ವರ್ಣ ಸಂಪಿಗೆ’ ಹೈಕುಗಳ ಕೃತಿ. ’ಮಿನುಗು ದೀಪ ಹನಿಗವನಗಳು, ಋತುಗಾನ’ ಅವರ ಮತ್ತಿತರ ಕೃತಿಗಳು. ‘ಸ್ಪಿಂಗ್ ಅವಾರ್ಡ್, ಸರ್ ಎಮ್. ವಿಶ್ವೇಶ್ವರಯ್ಯ ಪ್ರತಿಷ್ಠಾನದಿಂದ ಕಾವ್ಯಶ್ರೀ ಪ್ರಶಸ್ತಿ, ಕುವೆಂಪು ಪ್ರಶಸ್ತಿ, ಗಾರ್ಡನ್ ಆಫ್ ಪೊಯಟ್’ ಮುಂತಾದ ಗೌರವ ಪುರಸ್ಕಾರಗಳು ಸಂದಿವೆ.  ...

READ MORE

Related Books