ಕೊರೊನಾ ಕವಿತೆಗಳು

Author : ಮೂಡ್ನಾಕೂಡು ಚಿನ್ನಸ್ವಾಮಿ

Pages 64

₹ 50.00




Year of Publication: 2020
Published by: ಪಾಂಚಜನ್ಯ ಪಬ್ಲಿಕೇಷನ್ಸ್
Address: ನಂ.1, ಮಿಲ್ಕ್ ನರಸಿಂಹಯ್ಯ ಲೇಔಟ್, ಎನ್.ಆರ್.ಐ ಇನ್ಸ್ಟಿಟ್ಯೂಟ್ ಹತ್ತಿರ, ಪಾಪರೆಡ್ಡಿಪಾಳ್ಯ, ಬೆಂಗಳೂರು- 560072
Phone: 9740066842

Synopsys

‘ಕೊರೊನಾ ಕವಿತೆಗಳು’ ಹಿರಿಯ ಸಾಹಿತಿ ಮೂಡ್ನಾಕೂಡು ಚಿನ್ನಸ್ವಾಮಿ ಅವರ ಕವನ ಸಂಕಲನ. 2019ರಲ್ಲಿ ಕಾಣಿಸಿಕೊಂಡ ಕೊವಿಡ್ 19 ಎಂಬ ಸಾಂಕ್ರಾಮಿಕ ರೋಗ ಇಡೀ ವಿಶ್ವ ತಲ್ಲಣಿಸುವಂತೆ ಮಾಡಿತ್ತು. ಈ ವೇಳೆಯ ತಮ್ಮ ಅನುಭವಗಳಿಗೆ ಕವಿತೆಯ ರೂಪ ನೀಡಿದ್ದ ಚಿನ್ನಸ್ವಾಮಿಯವರು ಸಾಮಾಜಿಕ ಮಾಧ್ಯಮಗಳಲ್ಲಿಯೂ ಅವುಗಳನ್ನು ಹಂಚಿಕೊಳ್ಳುತ್ತಿದ್ದರು. ಅದರೊಂದಿಗೆ 2019-2020 ನೇ ವರ್ಷದ ಸಂಕಷ್ಟಗಳ ಕುರಿತು ಅವರು ಬರೆದ ಅನುಭವಾತ್ಮಕ ಕವಿತೆಗಳ ಸಂಕಲನ ಕೊರೊನ ಕವಿತೆಗಳು.

ಈ ಕೃತಿಗೆ ಬೆನ್ನುಡಿ ಬರೆದ ಡಾ. ಎಚ್.ಎಸ್. ಅನುಪಮಾ ‘ಬದುಕುಳಿಯಲು ನಾವೇನು ಮಾಡುತ್ತೇವೆನ್ನುವುದಕ್ಕೂ ಒಂದು ಮಿತಿಯಿದೆ. ಅದನ್ನು ಮರೆತ ನಮಗೆ ಬುದ್ಧಿ ಕಲಿಸಲು ಪ್ರಕೃತಿ ಕೋವಿಡ್ ವೈರಸ್ ಅನ್ನು ಒಡ್ಡಿದೆ. ಭೂಮಿ ಮೇಲಿನ ಗಿಡ, ಮರ, ಪ್ರಾಣಿ, ನದಿ, ಗುಡ್ಡ, ಬಂಡೆ, ಮಣ್ಣು, ಗಾಳಿ ಎಲ್ಲವೂ ನಮ್ಮ ಉಪಭೋಗಕ್ಕಾಗಿಯೇ ಎಂದುಕೊಂಡ ಮನುಷ್ಯ ದುರಾಸೆಗಳ ಫಲಿತ ಕೊರೊನಾ. ಆಗುತ್ತಿರುವ ಎಲ್ಲಕ್ಕೂ ನಾವೇ ನೇರ ಹೊಣೆಗಾರರು’ ಎನ್ನುತ್ತಾರೆ.

ಇಲ್ಲಿಯ ಕವಿತೆಗಳಲ್ಲಿ ಬಾಧಿತರು, ಶಂಕಿತರು, ನೆಲೆ-ಉದ್ಯೋಗ-ನಂಟು ಕಳೆದುಕೊಂಡವರು, ವಂಚಿತರೇ ಮೊದಲಾದ ಅಸಹಾಯಕ ಜೀವಗಳ ಬವಣೆಗಳನ್ನು ಚಿತ್ರಿಸಿದ್ದಾರೆ. ‘ಕೊರೊನಾ ಎಂದರೆ ಕೈ, ಬಾಯಿ, ಕಚ್ಚೆಗಳನ್ನು ಶುದ್ಧವಾಗಿಟ್ಟುಕೊಳ್ಳುವುದು’ ಎಂದು ಎಚ್ಚರಿಸುತ್ತಾರೆ. ಕನ್ನಡ ನೆಲದಲ್ಲಿ ಕುಳಿತೇ ಅಮೆರಿಕದ ಕರಿಯ ಜೀವದೊಂದಿಗೂ ನಂಟು ಸಾಧಿಸುತ್ತಾರೆ. ‘ರಕ್ತ ಅಂಟಿ ಮುಟ್ಟಾದ ರಸ್ತೆಗಳು’ ಎನ್ನುವ ಒಂದೇಸಾಲು ಮಿಲಿಯಗಟ್ಟಲೆ ವಲಸೆ ಕಾರ್ಮಿಕರ ಬವಣೆಯನ್ನು ವರ್ಣಿಸುವಷ್ಟು ಅರ್ಥವಿಸ್ತಾರ ಪಡೆದಿದೆ. ‘ಆ ತಾಯಿಯ ಜೀವದ ಹಂಸೆ ಹಾರಿ ಹೋಗಿತ್ತು’ ಎಂಬ ಸಾಲು ಬದುಕಿನ ದಾರುಣತೆಗೆ ಕಣ್ಣನ್ನು ತೇವಗೊಳಿಸುತ್ತದೆ ಎಂಬುದು ಅನುಪಮಾ ಅವರ ಅಭಿಪ್ರಾಯ.

About the Author

ಮೂಡ್ನಾಕೂಡು ಚಿನ್ನಸ್ವಾಮಿ
(22 September 1954)

ಮೂಡ್ನಾಕೂಡು ಚಿನ್ನಸ್ವಾಮಿ ದಲಿತ-ಬಂಡಾಯ ಸಾಹಿತ್ಯ ಚಳವಳಿಯ ಸತ್ವಪೂರ್ಣ ದನಿಯಾಗಿದ್ದಾರೆ.  ಅವರು ಹುಟ್ಟಿದ್ದು ಚಾಮರಾಜನಗರ ಜಿಲ್ಲೆಯ ಮೂಡ್ನಾಕೂಡು ಗ್ರಾಮದಲ್ಲಿ. ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದಲ್ಲಿ ಆಡಳಿತಾಧಿಕಾರಿಯಾಗಿದ್ದು, ಪ್ರಗತಿಪರ ಚಿಂತಕ, ಲೇಖಕ, ಉಪನ್ಯಾಸಕರಾಗಿ ಕಳೆದ 20 ವರ್ಷಗಳಿಂದ ಸಾಹಿತ್ಯ ವ್ಯವಸಾಯ  ನಿರ್ವೈಹಿಸುತ್ತಿದ್ದಾರೆ. ಕವಿಯಾಗಿ ಚಿನ್ನಸ್ವಾಮಿಯವರು ಪ್ರಕಟಿಸಿದ ಸಂಕಲನಗಳು ಹಲವಿವೆ. ವೆನಿಜುವೆಲಾ ದೇಶದ ಸ್ಪ್ಯಾನಿಷ್ ಭಾಷೆಗೂ ಇವರ ಕವನಗಳು ಅನುವಾದಗೊಂಡಿವೆ. ಹಿಂದಿಯಲ್ಲಿ ಅಂಗಾರ್ ಕೀ ಚೋಟಿಪರ್(ಅನು-ಧರಣೀಂದ್ರ ಕುರಕುರಿ) ಎಂಬ ಸಂಕಲನ ಪ್ರಕಟವಾಗಿದೆ. ಇವರ ಕಾವ್ಯ ಕೃತಿಗಳಿಗೆ ನಾಡಿನ ವಿವಿಧ ಪುರಸ್ಕಾರ, ಬಹುಮಾನಗಳು ಲಭಿಸಿವೆ. ಪ್ರಕಟಿತ ಕೃತಿಗಳು- ಕೊಂಡಿಗಳು ಮತ್ತು ಮುಳ್ಳುಬೇಲಿಗಳು, ...

READ MORE

Related Books